قانون اساسیده، مملکت یشاوچیلریدن هر بیری یالغیز 20 مینگ دالر یا-ده بدلی‌نی مملکت‌دن چیقاره آله‌دی، بیراق ایران قانونی اساسیده، بو مقدار 10 مینگ دالر یا-ده بدلی تعیین ایتیلگن.
بیراق شونده‌ی بیر حالده، هرات صراف‌لری بیرلیگی باشلیغی بهاءالدین رحیمی‌نینگ ایتیشیچه، امریکا قوشمه ایالت‌لری ایران اوستیگه تحریم‌لرینی قیته‌دن آلگنیدن سونگ، تشقی پول برابریده تومان بهاسی کمه‌یدی و عین حالده، افغانستان یشاوچیلریدن بیرقطاری، کونده مملکت چیگره‌لریدن کوپینچه دالرنی ایران گه ییتکیزه‌دی.
جناب رحیمی‌نینگ آچیلشیچه، حاضرگی شرایط‌ده ایران گه 10 مینگ دالر انتقال بیریلگن صورتده، آلیب بارگن کیشی گه کمیده بیر یریم میلیون تومان منفعت ییتکیزه‌دی و شو کونلرده اوستون مه اوستون 2-3 میلیون دالر افغانستاندن چیقاریلیب و ایران گه ییتکیزیله‌دی. جناب رحیمی‌گه کوره، بو موضوع باعث، افغانستان بازاریده دالر کم‌لیگی حس ایتیلگن و یا-ده دالر بهاسی هرات دن کابل گچه فرقلی بولگن.
شونینگدیک، هرات ولایتی‌نینگ صنعت و کانلر اتاقی باشلیغی حمیدالله خادم، ایران گه دالر قاچاق ایتیلگنینی تصدیق‌لیدی. اونینگ ایتیشیچه، ایرانده تومان ارزشی‌نی قولدن بیریشی باعث، ایران‌لیک‌لر دارایی‌لرینی دالرگه اوزگرتیریش اوچون سعی و حرکت قیله‌دیلر.
اوشبو ادعانی تصدیق‌لگن هرات صراف‌لری‌نینگ ایتیشیچه، حکومت بو توغریده مسؤول و مراقب بولگن صورتده، تیزلیک‌ده ایران گه دالر قاچاقی آلدینی آلیشی کیره‌ک.
عین حالده، هرات محلی اداره‌سی‌نینگ ایتیشیچه، نیچه ییل‌دن بویان هیچ بیر کیشی‌گه مملکت‌دن ایران گه دالر قاچاق قیلیش‌گه رخصت بیریلمه‌گن.
