افغانستان تینچلیک لایحه‌سی بوییچه آمریکا تشقی ایشلر وزیرلیگی نی خاص نماینده‌سی زلمی خلیلزاد و طالبان نماینده‌لری آره‌سیده‌گی 8- دور تینچلیک سوزلشوولری اوچ کون آلدین دوحه ده یکونلندی.
قطرده طالبان سیاسی دفتری سوزلاوچیسی سهیل شاهین نینگ سلام‌وطندارگه ایتیشیچه، آمریکا و طالبان آره‌سیده‌گی 8- دور تینچلیک سوزلشوولریده افغانستاندن آمریکا حربی‌لری چیقیش زمانی نینگ رویخطی بحث گه آلینگن.
اونگه کوره، حاضر ایکی تامان اوشبو رویخط عمل‌گه آشیریلیشی خصوصیده، رهبرلری بیلن مصلحت قیلماقده‌لر.
قطرده طالبان سیاسی دفتری سوزلاوچیسی نینگ کوپه‌یتیریشیچه، 8- دور تینچلیک سوزلشوولریده، آمریکا و طالبان آره‌سیده‌گی تینچلیک کیلیشوونامه‌نی کمیده 80% نهایی بولگن.
سلام‌وطندارگه صحبت بیرگن سیاسی ایش بیلرمان اکرم عارفی نینگ ایتیشیچه، حاضرگه‌قدر ایکی اونملی موضوع جمله‌دن آمریکا حربی‌لری نینگ چیقیش زمانی و افغانستان نینگ کیله‌جک دولتی توغریسیده کیلیشیلمه‌گن.
جمهور رئیس ایکینچی اورین باسری سرور دانش نینگ بیر خبرنامه‌ده ایتیشیچه، آمریکا و طالبان سوزلشوولری نهایی بولیب و یکونلنگن و افغانستان دولتی بیلن طالبان نماینده‌لری آره‌سیده‌گی سوزلشوولر جمهورلیک ریاست سیلاویدن سونگ، قیته‌دن باشله‌نیشی ممکن.
شو توغریده…
آمریکا و طالبان آرسیده‌گی تینچلیک سوزلشوولرنی 8- دوری یکونلندی
