افغانستان ملی فوتبال تیرمه جماعه‌سی 1-2 نتیجه‌ده سنگاپورنی یوتدی. اویین بوگون (سه‌شنبه) توشدن سونگ ایران پایتختی تهران تختی سپورت میدانیده اوتکزیلدی.
افغانستان ملی فوتبال تیمی‌نینگ بیرینچی گولی 39 دقیقه‌ده زبیر امیری ییتکزیشی نتیجه‌سیده خیبر امان آرقهلی جالیگه اوریلدی. شونینگ‌دیک ایکینچی گول ایسه یوسف شیردل تامانیدن ثمرگه ییتکزیلدی.
اویین‌ده اویس عزیز دروازه‌بان، حسن امین، مسیح سیغانی، محمد هاشمی و مجیب جمالی‌لر دفاع، اباسین علی‌خیل و کنشکا طاهر اورته دفاع میدان، نورالله امیری، فیصل شایسته و زبیر امیری اورته خط و خیبر امانی هجومچی صفتی‌ده اوینه‌دیلر. اویین نینگ ایکینچی یریمی‌ده یوسف شیردل فیصل شایسته اورنگه اوزگریشدی.
اویین کوپینچه افغانستان‌لیک فوتبالچی‌لری آرقهلی هجومی صورتده عملی بولیب، حریف نینگ دروازه‌سی نیچه مرته هجوم آستی‌گه آلیندی.
بو اویین نینگ 2018- ییل خلق ارا سیره‌لش قتیش دوری 2018- ییل روسیه ده آسیا اوینی 2019- ییلده عرب امرلیک‌لر میزبانلیگی‌ده دوبی‌ده اوتکزیلشی کوتیله‌دی.
افغانستان ملی تیمی بو موفقیت بیلن تاریخ ده ایلک بار آسیا خلق ارا اویین‌لریگه یول آلدی.
