.jpg)
افغانستان بوییچه اروپا بیرلشمه‌سی، فساد یکونلنیشی خصوصیده، کیچیریم‌گه نقطه قوییلیشی کیره‌ک دییدی.
بوگون اروپا بیرلشمه‌سی تامانیدن ترقه‌تیلگن خبرنامه‌گه کوره، افغانستان قضایی بولیمی‌ده فسادگه قرشی کوره‌ش بوگوندن باشلب 2- اپریل گچه دوام ایتیشی ممکن.
اوشبو خبرنامه‌ده کیلیشیچه، افغانستان اهالیسی قضایی بولیم‌گه اینگ فاسد عامه‌وی اداره صفتیده قره‌یدی و شو یوزدن اروپا بیرلشمه‌سی، ینه بیر بار قضایی بولیم‌ده فسادگه قرشی کوره‌ش‌نی باشله‌گن.
افغانستان بوییچه اروپا بیرلشمه‌سی‌نینگ خاص نماینده‌سی فرانزمایکل ملیبن‌نینگ ایتیشیچه، افغانستان اهالیسی قانون و عدالت تطبیق ایتیلیشی‌نی کوته‌دی و اصلاحات تطبیق ایتیلیشی ایسه، اوزاق مدت آرتده قالگن.
جناب ملیبن‌نینگ ایتیشیچه، افغانستان باش قاره‌لاوچیلیگی‌ده فسادگه قرشی کوره‌ش عدلی مرکز ایجاد ایتیلگنی‌دن بویان قضایی بولیم‌ده ایریم یوتوققه گواه بولگن، بیراق اصلاحات کیریتیش لایحه سُست‌لیک بیلن آلغه باره‌دی.
.jpg)
خبرنامه‌ده کوپه‌یتیریلیشیچه، قضایی قوریلمه دییرلی شکلده فسادگه باتگن، بیراق قضایی بولیم بو اداره‌نینگ یوقاری توزمه‌لرینی تازه‌لب و شایسته سالارلیک اساسیده، ینگی کیشی‌لرنی تعیین ایتیشی کیره‌ک.
فرانزمایکل ملیبن‌نینگ ایتیشیچه، «حاضرگی کونده قضایی بولیم عدالت‌سیزلیک و فساد دن رنج ییلتگن افغانستان اهالیسی‌گه قرشی ثروتمندلر و زوره‌وان کیشی‌لر وسیله بولگن.»
جناب ملیبن‌نینگ ایتیشیچه، یمان عمل‌لی و فاسد قضایی تشکیلات، فضانی نارسمی قضیه‌لر اوچون اوزاق بولیم‌لرده آچه‌دی و کوپلب عصیانچی‌لر و جنگری‌لر تامانیدن باشقریله‌دی و بو وضعیت اوزگریشی کیره‌ک.
افغانستان بوییچه اروپا بیرلشمه‌سی خاص نماینده‌سی‌نینگ ایتیشیچه، افغانستان دولتی فسادگه قرشی جدی کوره‌شی لازم. اونینگ کوپه‌یتیریشیچه، «کیچیریم‌گه نقطه قوییش حیات بخشله‌یدی، بیزلر بیرینچی عدلی تیرگاوگه گواه ایدیک و تیزلیک‌ده کوپراق قضیه‌لر ایزله‌نیشی خصوصیده امید بیلدیره‌میز.»
جناب ملیبن‌نینگ اورغولب ایتیشیچه، افغانستان دولتی یوقاری توزمه‌لردن فسادگه قرشی کوره‌شیب و افغانستانده فساد زمانی یکونلنگنی خصوصیده، اهالی‌گه ایشانچ بیریشی لازم.
