بوگون (پنجشنبه) بامیان ولایتینینگ پشتون و تاجیک یشاوچیلری دادخواهلیک حرکتینینگ اعضالری کابلده اعتراضلی ییغین اوتکزیب، ولایت والیسی بو ولایتده حیات کیچیرهدیگن پشتون و تاجیک قوملرگه نسبتن تبعیضلی روشده یاندهشهدی دیگنلر.
اعتراضچیلر حکومتدن ولایت والیسی طاهر زهیرنی ایشدن آلیب اونینگ اورنیگه هیچ بیر حزبگه علاقهدار بولمهگن کیشی والی ایتیب تعین لهنیشینی سورهگنلر.
بامیانلیک اعتراضچیلردن بیری محیالدین فرهمند، ولایت والیسی ایکّی تامانلمه یاندهشیش بیلن ولایت خلقی اورتهسیده فاصله ایجاد قیلگن دیدی.
شونینگدیک اعتراضچیلر بامیانلیک پشتون و تاجیکلرنینگ ییریلری ولایت والیسی تامانیدن تارتیب آلینگن لیگینی ادعا قیلگنلر.
تاجیک و پشتون داخواهلیک حرکتی اعضالری نینگ بو قبیل ادعالرینی رد قیلگن ولایت والیسی طاهر زهیر، اعتراضچیلر ایریم تیورهکلر تامانیدن حمایت بولهدیلر دیگن. زهیر، اعتراضچیلر بامیان فرهنگی ماستر پلانی عملی بولیشی اوچون توسیق بولهدیلر دیگن.
شونینگدیک زهیر، ماستر پلان تطبق ایتلیشی کیشیلرنینگ ییری زوردن تارتیب آلینیش معنی سیده ایمس دبگن. او، ماسترپلان عملی بولیشی اوچون خلق محلی حکومتگه همکارلیک قیلیشلرینی طلب قیلگن.
بوندن آلدین هم بیر قنچه بامیانلیکلر همده ولایت نینگ پارلماندهگی اعضالری طاهر زهیر بامان والیسی ایتیب تعین لنگلیگیگه قرشی اعتراض بیلدیریب، پارلمان مقابیلیده چارد تیکلهگن ایدیلر. لیکن، بوندهی مخالفتلر نتیجه بیرمهگن ایدی.
