د تخار د خواجهبهاوالدین ولسوالۍ د شورتوغې اوسېدونکي، په ځانګړي ډول هغو کسانو چې د سېلابونو له امله زیانمن شوي؛ نن تخار ته د خواجهبهاوالدین ولسوالۍ لاره د ترافیکو پرمخ وتړله.
دې اعتراضکوونکیو د دې لاریون علت د حکومت بېپامي ګڼي. خو کله چې د ملي اردو ځواکونه له خواجهبهاوالدین ولسوالۍ نه د تخار مرکز ته په حرکت وو او هغوی ته د تېرېدلو اجازه ورنهکړل شوه؛ اعتراض په تاوتریخوالي واوښت او د ډزو په پایلو کې ۴ لاریونوال ټپيان شول. لهدې پېښې سره د اعتراضکوونکیو شمېر ډېر شو او د دوی اعتراض د پرلت خېمې په درولو سره پای ته ورسېد.
د دې اعتراضکوونکیو دوه تنه ګډونوال باسط او ذبیحالله وايي، د سېلابونو او طبیعي پېښو د زیان او زیانمن شویو د وګړیو په اړه د حکومت بېپامي ناهیلې کوونکې ده.
د تخار د والي ویاند سنت تیموري سلام وطندار سره په خبرو کې د اعتراضکوونکیو غوښتنې په حق بولي او وايي، د حکومت له لوري یو پلاوی لېږل شوی چې له خلکو سره کېني او د هغوی غوښتنې واوري.
د دې اعتراضکوونکیو د شمېر له ډېروالي یوه بله غوښتنه هم د د ماورای کوکچه واټ پخول وو. پر دې سربېره دوی د والي د ویاند ادعا هم ردوي او وايي، تر اوسه د حکومت له لوري هېڅ پلاوی نهدی ورلېږل شوی.
