نماینده‌لر کینگشی سیلاوی نینگ سونگی نتیجه‌سیگه قرشی اعتراض بیلدیرگن نامزدلردن بیرقطاری، بوگون کابل‌ده خبری بیر ییغین اوتکزیب ملی و خلق ارا اداره‌لری حضوریده حجت‌لری تیکشیریلیشی اوچون بیر محکمه یا-ده خاص کمیته تشکیل ایتیلیشی نی سوره‌گن‌لر.
اوشبو اعتراضچی نامزدلر سیلاولر ایرکین کمیسیونی تامانیدن اعلان ایتیلگن نتیجه‌نی قبول قیلمه‌ی آگاه‌لنتیریب و ایتیشیچه، حکومت اولرنینگ بو ایستک‌لریگه دقت قیلمه‌گن صورتده، کیله‌جک جمهورلیک ریاستی سیلاویده اشتراک قیلمه‌ی و بو سیلاونی تحریم قیله‌دیلر.
اوتگن ییل، 28- و 29- میزان ده یولگه قوییلگن نماینده‌لر کینگشی سیلاوی کوپینچه جنجل‌لرگه سبب بولدی.
اوشبو سیلاونی سونگی نتیجه‌سیگه قرشی بیلدیریلگن اعتراضلر حاضرگچه یکونلنمه‌گن.
