.jpg)
مدنی فعاللر و برقی کیم‌لیک سابق ایشلاوچی‌لری نینگ قیلگن اعتراض‌لریده، حکومت رهبرلریدن ملی منفعت‌لرنی شخصی ایسته‌کلر قربانلیگی قیلمس‌لیکلرینی سوره‌گنلر.
یکشنبه کونگی کابل‌ده اویوشتیریلگن اعتراض‌ده، حکومت رهبرلریدن برقی کیم‌لیک برابرده‌گی قیین‌چیلیک‌لر حل ایتیلیشی‌نی سوره‌گن. بو ناراضی‌لیک بیلدیرگنلر، برقی کیم‌لیک ایشی‌نینگ قیته‌دن رسمی شکلده باشله‌نیشی‌نی سوره‌گنلر.
بو اعتراضچی‌لر «بیزلرنی مهاجربولیشگه زورلمنگ، بیزنینگ حیاتیمیز برقی کیم‌لیکلرگه باغلیق» دیگن شعارلر بیلن ایتیشلریچه، کیم‌لیکلرینی تانیشتیره‌دیگن برقی حجت‌گه احتیاجلری بار.
برقی کیم‌لیک سابق ایشلاوچی‌لری هم بو سیستم‌نی اورگنیشلری اوچون کوپلب هزینه بیریلگن‌لیگی سبب برقی کیم‌لیک ایشلری تیزدن باشله‌نیشی لازم دیگنلر.
بولرنینگ آگاه‌لنتیریشیچه، ایسته‌کلریگه دولت توجه قیلمه‌گن صورتده اوز ناراضی‌لیکلرینی دوام بیره‌دیلر.
.jpg)
نیچه پیت آلدین بو برقی کیم‌لیک اداره‌سی‌نینگ ایشلاوچی‌لری جمهور رییس تامانیدن ایشدن آلینگن ایدی. ایشدن آلینیشلری دلیلی بودجه بولمه‌گنلیگی ایتیلگن.
برقی کیم‌لیک ترقه‌تیش ایشی باشله‌نیشیدن جنجاللی بولگن ایدی. باشله‌نیشدن بولگن جنجاللردن باشقه بیری کیشی‌لر دین و قوم‌لری کیریتیلیشی بولیب، نماینده‌لر مجلسی‌ده اوزون بحث‌گه آلینگن ایدی.
اخیرده نماینده‌لر مجلسی برقی کیم‌لیده کیشی‌لر قوم‌لری کیرتیلمس‌لیگینی تصویب قیلیب، ایچکی ایشلر وزیرلیگی اطلاعات مرکزیده کوز و برماق‌لری عکسی ثبت بولیشی‌گه قرار قیلیندی.
برقی کیم‌لیک ترقه‌تیلیش ایشی 1392- ییل حمل آییدن باشله‌نیشی کوتیلردی و بو ییل اداغی‌گچه اولکه یشاوچی‌لریدن 14 میلیون کیشی برقی کیم‌لیک آلیشلری ایتیلگن ایدی، اما ایریم دلیللر باعث بو ایش کیینگه توشیب قالدی و عمل‌گه آشیریلمه‌دی.
