.jpg)
کابل یشاوچی‌لریدن یوزلرچه‌سی مملکت‌ده گروگان آلیش‌گه نقطه قویلسین ایاققه توریش قوزغلانی دیگن عنوان آستیده اعتراض بیلدیردیلر. اعتراضچی‌لرسانی یوزلردن آشه کیشی بولیب ایتیشلریچه: «یشاوچیلری برابریده مسؤولیتلرینی بجرالمه یدیگن حکومت بیکار قیلینیشی لازم».
شهرنو پارکی‌ده ییغیلگن اعتراضچی‌لر ناراضلیک شعارلرنی بیریشلری بیلن سپیدار قصری تامان حرکت قیلگن‌لر.
بوگون ایرته لب ساعت 9 ده اعتراضچی‌لر ییغیلیب، ذنبق تورت یولیگه قدر اعتراض بیلدیریب باردیلر و اجراییه ریاست تامانی باردیلر، اما امنیتی کوچلر توسیق‌لیگی بیلن روپه‌ره بولگن‌لر.
اعتراضچی‌لرنینگ ایتیشلریچه، نیچه پیت‌دن بویان جنگری طالب‌لر یشاوچی‌لرنی گروگان آلیش‌گه قول اوریب کیلماقده‌لر و نیچه کوندن کیین بو گروگه آلینگن‌لرنی قانلی شکلیده هلاکتگه بیردیلر؛ اما حکومت اهالی جانی و مالی ساغ سقلنیشی‌گه اولگورسه، طالب‌لرنینگ بو ایشلرینی بیر محکوم قیلیش‌گه بس قیلگن.
.jpg)
اعتراضچی‌لر گروگان آلیش حادثه‌لریگه نقطه قویلیشی‌نی سوره‌ب، حکومت حادثه‌لر عامل‌لری توتیلیب جزالنیشی لازم دیگن‌لر.
اولر قطع‌نامه صادر قیلیشی بیلن قملگه آلینگن‌لرنی قویب یوباریلیشی‌نی سوره‌گنلر. شاه یوللر امنیتی تأمین ایتیلیشی و یولاوچی‌لر جانی اسره‌لیشی‌گه دقت قیلمه‌گن مسؤوللر قولگه آلینیشی مذکور قطع‌نامه ماده‌لریدن بولگن.
اعتراضچی‌لرنینگ معلوم قیلیش‌لریچه، بولرنی ایسته‌ک‌لریگه ایجابی جواب بیریلمه‌گن حالده، بولر اوز ناراضلیک‌لرینی دوام ایتیش‌لری ممکن.
سونگی کونلرده طالب‌لر شاه یوللردن یولاوچی‌لرنی قملگه آلیش‌گه اولگوردی. اینگ سونگی پیت قندوز یولیدن 50 کیشی یولاوچینی جنگریلر اوغیرله‌دی و امنیتی رسمی‌لرگه کوره، بولردن نیچه کیشینی اولدیرگن‌لر.
