جوزجان، فاریاب ولایت‌لری و شمال‌نینگ باشقه بیرقطار ولایت‌لری، اوچ کوندن بویان افغانستان ملی اسلامی جنبش حزبی‌نینگ مینگ‌لرچه طرفدارلرینی اعتراضلریگه گواه بولگن.
اعتراضچی‌لر ناراضیلیک نمایش یولگه قوییب، حکومت گه قرشی شعار بیریب و آگاه‌لنتیریشیچه، حکومت اوشبو ولایت‌لرنینگ یشاوچیلرینی مدنی اعتراضلری برابریده دقت قیلمه‌گن صورتده، مدنی نافرمانلیک‌لرگه قول اوروش‌لری ممکن.
اعتراضچی‌لرنینگ ایتیشیچه، حکومت ایرته گچه اولرنینگ ایستک‌لریگه دقت قیلمه‌گن صورتده، کیله‌جک سیلاولرنی تحریم قیلیب و نافرمانلیک قیلگن اداره‌لرنی اوتگه تارته‌دیلر.
جوزجانلیک اعتراضچی‌لردن جوره پهلوان و اکرم جنبش نینگ ایتیشیچه، اولر حاضرگی حکومت ایجاد ایتیلیشی گه اساسی رول اوینه‌گن‌لر و حاضر هم اونی سقوط بیره آله‌دی و اولیم‌دن هم قورقمه‌یدیلر.
باشقه تاماندن، تخار ولایتیده افغانستان ملی اسلامی جنبش حزبی‌نینگ طرفدارلریدن یوزلرچه‌سی، فاریاب ولایتیده جنرال دوستم نینگ خاص نماینده‌سی بولگن نظام‌الدین قیصاری توتقونگه آلینگنی قرشی اعتراض بیلدیریب و قندوز-بدخشان قتناو یولی‌نی نیچه ساعت ترافیک یوزیگه یاپگن‌لر.
اولرنینگ آگاه‌لنتیریشیچه، نظام‌الدین قیصاری فاریاب ولایتی گه جنرال دوستم مملکت گه قیتگونگه‌قدر مدنی اعتراضلریگه دوام بیره‌دیلر.
شونینگدیک، فاریاب ولایتی‌نینگ اندخوی تومنی گه تیگیشلی تورت تومن اهالیسی‌دن یوزلرچه‌سی مدنی ناراضیلیک نمایش یولگه قوییب آقینه سوداگرلیک بندرینی یاپیب و نظام‌الدین قیصاری قوییب یوباریلیشی‌نی سوره‌گن‌لر.
عین حالده، سلام‌وطندارگه صحبت بیرگن جمهور رئیس سوزلاوچیسی اورین باسری شاه‌حسین مرتضوی، قیصاری قوییب یوباریلیشی توغریسیده هیچ نرسه دیمه‌یدی؛ بیراق اورغولشیچه، مدنی ناراضیلیک‌لر یشاوچی‌لرنینگ حقی دیر و امنیتی کوچلر جماعت‌لرنینگ خوفسیزلیگی و دولتی بِنالرنی تأمین‌لش گه مسؤول دیر.
فاریاب ولایتیده مردمی کوچلرنینگ قومندانی و مذکور ولایتده جنرال دوستم‌نینگ خاص نماینده‌سی نظام‌الدین قیصاری، جاری هفته دوشنبه کونی فاریاب ولایتیده امنیتی بیر ییغین گه چقیریلیب و کوماندو کوچلری تامانیدن توتقونگه آلینگن.
