هرات یشاوچیلریدن اونلرچه‌سی، مذکور ولایت‌ده امنیتی اداره‌لر مسؤول‌لری تعیین‌لنیشی توغری‌سیده حکومت نینگ دقت سیزلیگی‌دن تنقیدقیلیب ناراضیلیک بیلدیرگن‌لر. اولرنینگ ایتیشیچه، مملکت رهبرلری‌نینگ کم سیتیش حرکت‌لری دوام ایتکن صورتده، قیناقلیک‌که قول اوروش‌لری ممکن.
اوشبو اعتضراچیلر، «بیزلر کم سیتیش‌نی ایستمه‌یمیز، کم سیتیش بس دیب» شعار بیریب، هرات ولایتی‌نینگ بناسی اونگیده توپله‌نیب پارلمانده‌گی نماینده‌لری‌نینگ حرکتی‌دن حمایت بیلدیریب، حکومت‌دن باشقه ایکینچی یشاوچی صفتیده تانیلمس‌لیک‌لرینی سوره‌دی. ناراضچیلرنینگ ایتیشیچه، دولت تامانیدن «آلتینچی برماق» صفتیده تانیلمس‌لیک‌لری لازم.
جاری هفته دوشنبه کون، مذکور ولایت‌نینگ پارلمانده‌گی نماینده‌لری، هرات امنیتی اداره‌لریده بیرقطار رسمی‌لرنینگ تعیین‌لنیشی خصوصیده، حکومت‌نی دقت سیزلیک‌که عیب‌لب، ناراضیلیک بیلدیریب عمومی ییغین‌نی اون دقیقه ترک ایتدی.
اوشبو نماینده‌لردن بیری فاروق مجروح‌نینگ، اوچ کون آلدین پارلمان ییغینیده؛ « نیمه اوچون جمهور رییس بیلن اجراییه باشلیغی، امنیتی اداره‌لرگه هراتی‌لردن تعیین قیلمه‌یدی و بیزلرنینگ یشاوچیلیک حقی میزنی بیرمه‌یدی دیگن؟».
شونینگ‌دیک مذکور ولایت نماینده‌لریدن باشقه بیری منورشاه بهادری‌نینگ ایتیشیچه، هرات نفوذی مملکت بوتون جمعتی‌دن 10 فایزی‌نی تشکیل بیره‌دی، بیراق یالغیز 5 هراتی‌لیک جنرال رتبه‌سیگه تیزیم ایچیده فعالیت قیله‌دی. او، ملی بیرلیک حکومتی‌نینگ ایکی کیشی حکومتی دیب بیله‌دی.
هرات نماینده‌لریدن باشقه بیری خلیل‌الله شهیدزاده‌گه کوره، مذکور ولایت‌ده امنیتی اداره‌لرنینگ کوپینچه رسمی‌لری هراتی‌لیک ایمس و حکومت بو خصوصده عدالت‌نی کوزگه توتمه‌گن.
مذکور ولایت محل نماینده‌لر کینگشی اورین باسری وکیل عبدالرؤوف‌نینگ، چهارشنبه کونگی ناراضیلیک نمایش‌ده ایتیشیچه، حکومت یشاوچیلرنی کم سیتمه‌ی، برچه‌نی بیر کوزگه کوریشی لازم.
شونینگ‌دیک هرات ولایتی سکیزینچی منطقه رواجلنتیریش کینگشی باشلیغی عبدالغنی خلیل‌نینگ ایتیشیچه، اوشبو ولایت‌ده 160 کیشی جمهور رییس تامانیدن، یوقاری حربی پست‌لرگه تعیین‌لنگن، بیراق هیچ بیری هراتی‌لیک ایمس دیر. جناب خلیل‌نینگ ایتیشیچه، هرات‌ده اونلرچه تجربه‌لی جنرال، دوکتورا و ییریک ایش بیلرمان‌لیک درجه‌سیگچه تحصیل کورگن یاشلر ایش‌سیز دیر، بیراق حکومت کم سیتیب، اولردن هیچ بیری‌گه حق قایل بولمه‌یدی.
انه شونده‌ی، مذکور ولایت منطقه نماینده‌لری اورین باسری حاجی زلمی‌نینگ ایتیشیچه، هرات یشاوچیلری پارلمانده‌گی نماینده‌لری‌نینگ ایشی‌دن حمایت قیله‌دی و هیچ‌قچان حکومت رهبرلری‌گه تبعیض قیلیش خصوصده رخصت بیرمه‌یدی. جناب زلمی‌نینگ آگاه‌لنتیریشیچه، حکومت بو ایشی‌گه دوام بیرگن صورتده، پارلمانده‌گی نماینده‌لر، ولایتی کینگش اعضالری، مدنی و سیاسی فعال‌لر و قوم بویوک‌لر شامل هرات یشاوچیلری بیری- بیراویگه قول بیریب، هرات‌دن بولمه‌گن کیشی‌لرگه، مذکور ولایت‌ده فعالیت قیلیش‌گه رخصت بیرمه‌یدی.
هرات یشاوچیلری‌نینگ ناراضیلیک نماییشی‌دن کیین، مذکور ولایت والیسی اصیل الدین جامی‌نینگ بیر خبری ییغینده ایتیشیچه، حکومت خلق ایستک‌لری‌گه حرمت قایل بوله‌دی و هرات محلی اداره‌سی اولرنینگ ایستک‌لرینی مرکز رسمی‌لریگه ییتکیزیشی ممکن.
هرات یشاوچیلری شونده‌ی بیرحالده ناراضیلیک بیلدیره‌دی کیم، مذکور ولایت امنیتی وضعیتی کونسایین یمان بولماقده. یالغیز اوتکن تورت کون جریانیده، طالب‌لر گروهی شکلده تورت مرته شیندند و غوریان تومن‌لری اوستیگه هجوم اویوشتیرگن و بو تومن‌لرنی نیچه ساعت اوز نظارتی‌گه آلگن.
