303 ییل آلدین، اسپانیا شاهی بیشینچی فلیپ، تورموش اورتاغی الیزابت فارنیزگه ساوغه قیلگن الماس، بوگون ژنو ده 6.7 میلیون دالر ساتیلدی. اوشبو الماس تورت دقیقه جریانیده ساتیلدی، بیراق اوشبو ارزشلی الماس‌نینگ ساتیب آلگن آدم توغریسیده معلومات بیریلمه‌دی.
مذکور آبی رنک‌لی الماس 3 عصر اروپایی مملکت‌لرنینگ سلطنتی اعضالری آره‌سیده و نیچه مرته فرانسه، ایتالیا و استرالیا شاهی عایله‌لری آره‌سیده قولمه قول بولگن.
اوشبو الماس‌نینگ بهاسی ساتیلیشی‌دن آلدین، 3.7 و 5.3 میلیون دالرگچه تخمین قیلینگن ایدی.
فارنیز الماسی‌نینگ آغیرلیگی 6.16 قیراط بولیب و هندوستان‌نینگ گلکندای کانی‌گه تیگیشلی بوله‌دی. مذکور الماس بیرچاغلر فرانسه ملیکه‌سی‌نینگ اختیاریده ایکن.
اوشبو آلماس ساتیلیشی دن آلدین لندن، نیویارک، سنگاپور و تایپی شهرلریده کورگزمه گه قوییلگن.
بوگون "چهارشنبه" ژنو ده 51.71 قیراط آغیرلیگی بولگن بیر الماس یوزوک 9.2 میلیون دالر و باشقه 50.39 قیراط آغیرلیگی بولگن الماس یوزوک 8.1 میلیون دالر ساتیلگن.
