گلبدین حکمتیار رهبرلیگی‌ده‌گی اسلامی حزب دفترلری عمومی باشلیغی و اوشبو حزب تامانیدن تعیین ایتیلگن ایکینچی هیأت لیدری قاضی حکیم حکیم‌نینگ ایتیشیچه، تینچلیک سوزلشوولری نتیجه بیریشی خصوصیده، جدی شکلده سعی و حرکت قیله‌دی.
اوشبو هیأت حکومت ارا اوتکزیله‌دیگن سوزلشوولر خصوصیده، اسلامی حزب‌نینگ کابل‌گه یوباریلگن ایکینچی هیأتی بولگن. شنبه کون اوتکزیلگن ییغینده جناب حکیم‌نینگ ایتیشیچه، اوشبو حزب تینچلیک‌که قوشیلیش اوچون نه‌فقط چوکی بلکیم مقام هم ایستمه‌یدی. اوشبو حزب 5 قرشی مسئله توغری‌سیده بحث اوتکزیش اوچون کابل کیلگن.
حکیم، اوشبو گروه بیلن حکومت سوزلشوولری قیین‌چیلیک‌که تارتیلیشی خصوصیده، ایریم گروه‌لر اره‌لشی‌دن خبر بیره‌دی. جناب حکیم، اوشبو حزب‌نینگ، کریم امین ریاستی‌ده‌گی بیرینچی هیأتی سوزلشوولری نتیجه لی بولگنینی ایتگن. حکیم حکیم‌نینگ ایتیشیچه، حکومت بیلن بولگن 25 قرشی مسئله‌سیدن 20 ته‌سی حل ایتیلگن و باشقه 5 مسئله توغری‌سیده سوزلشوولر دوام ایتماقده.
اسلامی حزب تامانیدن تعیین ایتیلگن ایکینچی هیأت باشلیغی‌نینگ ایتیشیچه، مذکور حزب بیانات‌لری و سوزلریگه صادق بولگن و افغانستان حکومتی‌دن سوزلریگه صادق بولیشی‌نی سوره‌یدی.
شونینگ‌دیک، اوشبو حزب‌نی سیاسی کینگشی باشلیغی غیرت بهیرنینگ ایتیشیچه، اسلامی حزب خلق برابریده بولگن مسؤولیتی‌نی عمل‌گه آشیرگن. بو ییغینده اونینگ کوپه‌یتیریشیچه، اسلامی حزب اعضالری، مملکت‌ده امتیازسیز دایمی تینچلیک تأمین‌لنیشی‌نی ایسته‌یدی. جناب بهیر، مملکت‌ده تینچلیک تأمین‌لنیشی خصوصیده، مناسب یول مذاکره و سوزلشوولر دییدی. بهیر حکومت‌دن اولرنینگ کیلیب کیتیشی‌نی جدی توتیب و اولر بیلن ساووق حرکت قیلمس‌لیگی‌نی سوره‌دی.
انه شونده‌ی، مذکور حزب‌نینگ بیرینچی هیأت نماینده‌سی کریم امین‌نینگ ایتیشیچه، قرشی مسئله‌لر اوستیگه بحث قیلیش اوچون، کیچه جمهور رییس بیلن اوچره‌شه‌دی.
گلبدین حکمتیار، کابل‌ده قدرت‌نی قولگه آلیش اوچون 40 ییل قورال کوتردی و شونینگ‌دیک، اوتگن 15 ییل‌ده قورال‌لی طالب‌لردن سونگ، تشقی کوچلرنی چیقاریب، اسلامی حکومت ایجاد ایتیش اوچون اوروشه‌دی. بیراق، او حاضر بو ایستک‌لردن وازکیچیب و کابل‌گه نماینده یوبارگن.
