هرات ولایتیده یولگه قوییلگن 8- دور خوفسیزلیک ییغینیده افغانستان بوییچه اروپا بیرلیگی نینگ خاص نماینده‌سی رولاند کوبیانینگ ایتیشیچه، افغانستان حکومتی تینچلیک سوزلشوولریده بیرلشیک بیر تامان بولیشی کیره‌ک و بو سوزلشووده ایکی تامان نینگ توشونچه‌لری و ایستک‌لری ایشیتیلیشی لازم.
کوبیانینگ ایتیشیچه، هر کون افغانستان یشاوچیلری تینچلیک تأمین‌لنیشی اوچون قربانلیک بیره‌دی و شو یوزه‌دن آمریکا و طالبان آره‌سیده تینچلیک سوزلشوولری قیته‌دن باشله‌نیشی کیره‌ک.
جناب کوبیاگه کوره، تینچلیک سوزلشوولریده اروپا بیرلیگی آتیش‌کیسین گه زمینه یره‌تیلیشی خصوصیده سعی و حرکت قیله‌دی.
افغانستان بوییچه اروپا بیرلیگی نینگ خاص نماینده‌سی، تینچلیک سوزلشوولری جریانیده شفافیت اوستیگه تأکیدلب کوپه‌یتیریشیچه، اروپا بیرلیگی افغانلر ارا دایمی تینچلیک‌دن حمایت قیله‌دی.
رولاند کوبیانینگ کوپه‌یتیریشیچه، تینچلیک شرایطی افغانستانده اوروش یکونلنیشی گه سبب بولیشی کیره‌ک. اونینگ اورغولشیچه، طالبان گروهی افغانستان حکومتی بیلن مذاکره قیلیش گه حاضر بولیشی لازم.
اونگه کوره، اروپا بیرلیگی تینچلیک تأمین‌لاوچی بوله آله‌دی.
هرات ولایتیده یولگه قوییلگن 8- دور خوفسیزلیک ییغینده مملکت سابق جمهور رئیسی نینگ ملی خوفسیزلیک کینگشی مصلحتچیسی رنگین دادفر اسپنتانینگ ایتیشیچه، آمریکا تامانیدن آلغه آلیب باریله‌دیگن تینچلیک جریانی افغانستان اهالیسی گه تیگیشلی ایمس، بلکیم افغانلرنینگ تقدیری بیلن معامله دیر.
جناب اسپنتا، ملی بیرلیک حکومت رهبرلرینی تینچلیک جریانیدن خبرسیزلیک‌که عیب‌لب کوپه‌یتیریشیچه، بو رهبرلر افغانستان اهالیسی گه یالغان ایتیشه‌دی.
افغانستان حکومتی نینگ اوشبو سابق ملازمی نی تأکید قیلیشیچه، تینچلیک جریانی افغانستان یشاوچیلری نینگ مالکیتی بیلن آلغه آلیب باریلیشی کیره‌ک.
شونینگدیک، اوشبو ییغینده هرات حاکمی عبدالقیوم رحیمی نینگ ایتیشیچه، تینچلیک افغانستان یشاوچیلری تامانید مدیریت قیلینیشی لازم.
هرات ولایتی بوییچه 8- دور خوفسیزلیک ییغینی، بوگون اختیارالدین قلعه‌سی (هرات ارگی) ده باشلندی و بو ییغین ایرته هم دوام ایته‌دی.
شو توغریده…
«تینچلیک‌که ایریشیش اوچون آتیش‌کیسین بولیشی کیره‌ک»
