ارزگان ولایتی‌نینگ محلی بلند مرتبه‌لی رسمیلری، ولایت مرکزی ترینکوت و شمالی منطقه‌لرده هنوز هم اوروش جریانی بارلیگی‌نی ایتگنلر. رسمیلرنینگ سوزیگه قره‌گنده، قوراللی طالبلر کیچه امنیتی بیلباغلرنی هجوم آستیگه آله‌دی.
ارزگان ولایتی والسی‌نینگ سوزلاوچیسی دوست‌محمد نایاب، هنوزگچه هم طالبلر اوروشی آلدی آلینیشی اوچون جنگ دوامی بار دیگن. ایکی کوندن بیری دوام ایته دیگن اوروش جریانیده قوراللی طالبلرنینگ 5 نفری اولدیریلگن لیگی ایتیله‌دی.
جناب نایاب، گیزاب ارزگان ولایتی‌نینگ اینگ نابرقرار تومنلریدن ایکن لیگینی ایتگن. قوراللی طالبلر مذکور تومن آرقه‌لی ولایت مرکزی ترینکوت‌نی نشانگه آلگنلر. شونینگدیک ولایت سوزلاوچیسی نابرقرار تومنلر جنگریلردن تازه‌له‌نیشی اوچون حربی عملیات اوتکزیلماقده دیگن.
ارزگان ولایتی والیسی‌نینگ سوزلاوچیسی، قوراللی طالبلر بیلن افغان ملی کوچلری اورته‌سیده یوز بیرگن توقشنوده 9 نفر تینچ اهالی‌دن قربان بولگن لیگینی بیلدیرگن. لیکن، محل یشاوچیلری قربانلرنینگ سانی محلی رسمیلر ایتگنی‌دن کوپ ایکن لیگینی بیلدیرگنلر. عین حالده، نایاب قندهار – ارزگان یولی‌ده تازه‌لش عملیات جریانی بارلیگی‌نی هم تیل‌گه آلگن.
ارزگان ولایتی والیسی‌نینگ سوزلاوچیسی، قندهار – ارزگان اره لیغی‌ده ایجاد بولگن پولیس پوسته‌لریدن بیر نیجه ته‌سی جنگریلر تامانیدن اشغال ایتیلگن لیگینی ایتیب، بو حربی قرارگاهلردن آلتی ته‌سی جنگریلر اشغالی‌دن چیقاریلگن.
سونگی ایکی کوندن بیری جنگری طالبلرنینگ ارزگان ولایت مرکزی ترینکوت شهریگه بولگن هجومی جدی لیشگن. ولایت نینگ امنیه قوماندانی ویس رحیمی و امنیت آمری عبدالقوی عمری ایسه وظیفه‌گه تفاوت‌سیز یاند‌ه‌شگن لیگی باعث ایچکی ایشلر وزیرلیگی تامانیدن ایشدن آلینگنلر.
