ارزگان محلی رسمی‌لریگه کوره، ولایت شهیدحساس تومنی‌نینگ سیاه‌سنگ منطقه‌سی‌ده گروهی هجوم ایلتگن‌لر.
ولایت شهیدحساس تومنی‌نینگ باشلیغی محمداسماعیل حق‌یارنینگ بومطلب‌نی تأیید قیلیب سلام‌وطندارگه ایتیشیچه، مذکور هجوم سه‌شنبه کون ایرته‌لب ساعت 3 اطرافی‌ده اویوشتیریلگن ایکن.
طالب‌لرهم خبرنامه ترقه‌تیشلری بیلن اویوشتیریلگن هجوم نتیجه سیده پولیس امنیتی پوسته‌لریدن6 ته‌سی بولر قولی‌گه توشگن‌لیگی‌نی یازگن.
اما جناب حق‌یار مذکور منطقه ده‌گی امنیتی پوسته‌لردن طالب‌لر قولیده توشگن‌لیگی‌نی ردقیلدی و بوگروه قولیده امنیتی پوسته‌لرنی توشگنی قویمه‌گنلر. او، امنیتی کوچلربیلن طالب‌لر ارا توقنه شولر نتیجه سیده جنگری‌لردن 5 کیشی هلاک بولگن و امنیتی کوچلردن 6 ته‌سی یره‌لنگن‌لیگی‌نی بیلدیره‌دی.
ولسوالیک پولیس باشلیغی پاسوال میرویس‌نینگ ایتیشیچه، امنیتی کوچلر و طالب‌لر ارا حاضرهم توقنه شولر دوامی بار و امنیتی تازه نفس کوچلر بوگروه‌نی قوییب اوریش اوچون یولده‌لیگی‌نی تیلگه آلگن، تومن باشلیغی.
شوییل باشلنیشی بیلن طالب‌لر اولکه شمالی ولایت‌لریده تهاجمی یوروشلرینی کوپه‌یتیرگن ایدی و افغان امنیتی کوچلر ایسه ایریم نقطه‌لرده بوگروه‌گه قرشی کوره‌شیب بارماقده‌لر.
افغانستان ایچکی ایشلر وزیری نورالحق علومی بیرخبری انجمن‌ده، مذکور گروه هجوملری قیش فصلیده‌گی تیارگرلیک‌لری دیب بیلگن ایدی.
ارزگان ولایتی کندهار، غزنی، دایکندی، زابل و هلمند ولایت‌لری بیلن قوشنی بولگن.
