قطار مدنی و حقوقی نهادلرنینگ اوتکن هفته کابلده بیر خبری ییغین آرقه‌لی ادعا قیلیشیچه، جمهورلیک ریاستیده خاص بیر حلقه، حکومت تامانیدن تصویب ایتیلگن اداری فسادگه قرشی کورهش ینگی قانونگه قول اورگن. اولرنینگ ایتیشیچه، کابینه تامانیدن تصویب ایتیلگن ینگی قانونینینگ 9- مادهسیده گزینش کمیته اعضالری 13 دولتی و دولتی بولمهگن نهادلردن تشکیل تاپگن ایدی، بیراق مدنی و حقوقی نهادلر تصویب ایتیلگندن سونگ اوشبو قانوندن چیقاریلگن.
بیراق بوگون "یکشنبه" اداری فسادگه قرشی کورهش خاص سکرتریت مسووللرینینگ بیر خبری ییغین آرقه‌لی ایتیشیچه، مدنی نهادلرنینگ اداری فسادگه قرشی کورهش کمیسیون بیلن هماهنگسیزلیگی و ایش خصوصیده تجربهسی بولمهگنی سبب گزینش کمیتهدن چیقاریلگن.
اداری فسادگه قرشی کورهش سرکرتریتینینگ باشلیغی یما ترابینینگ ایتیشیچه، مدنی نهادلر و خلقارا جماعهسینینگ اوشبو کمیته ایشلریدن نظارت قیلیشگه حقی بار.
عینحالده، امور ادارهسینینگ حقوقی باشلیغی محمدهارون معتصمنینگ اوشبو ییغینگه ایتیشیچه، اداری فسادگه قرشی کورهش سکرتریتی مستقل بیر نهاد دیر و اونینگ استقلالیتی اداری فسادگه قرشی کورهش قانونیگه حفظ ایتیلگن.
جناب معتصمنینگ ایتیشیچه، اوشبو قانون 14- مادهسینینگ 2 فقرهسیگه کوره، اداری فسادگه قرشی کورهش کمیسیون اعضاسی سیاسی حزب عضویتینی قولگه کیلتیرگن صورتده، بو کمیسیون عضویتیدن استعفا قیلیشی ممکن.
مدنی نهادلر مسووللرینینگ ایتیشیچه، رسمی جریدهگه ترقهتیلگن قانونگه، عالی محکمه باشلیغی گزینش کمیتهنینگ باشلیغی و باش قرلاوچیلیک و ادارهلرگه اصلاحات کیلتیریش کمیسیون باشلیغی اوشبو کمیته اعضاسی عنوانیده تانیتیلیب، مدنی و حقوقی نهادلر شامل باشقه 10 نهاد بو کمیتهدن چیقاریلگن.
