افغانستان بوییچه مدنی جماعه‌چیلیک اداره‌لری، اداری فسادگه قرشی کوره‌ش کمیسیون ایجاد ایتیلیش ریجه‌سی توغریسیده خواطر بیلدیریب ایتیشیچه، بو ریجه‌نی اولر قبول قیلمه‌یدی.
اوشبو اداره‌لرگه کوره، اداری فسادگه قرشی کوره‌ش کمیسیون اعضالری حکومت تامانیدن تعیین ایتیلگن صورتده، بو کمیسیون نینگ ایرکین‌لیگی سوراققه دوچ کیله‌دی.
بوگون «پنج‌شنبه» کابل‌ده ییغین اوتکزگن مدنی جماعه‌چیلیک اداره‌لرینی فسادگه قرشی کوره‌ش و حکومتدارلیک بوییچه ایش قوشمه گروهی، دنیا معیارلری اساسیده فسادگه قرشی کوره‌ش بیر کمیسیون ایجاد ایتیلیشی‌نی سوره‌گن.
مذکور گروه نینگ اعضالری، اداری فسادگه قرشی کوره‌ش کمیسیون ایجاد ایتیلیش ریجه‌سیدن تنقید قیلیب ایتیشیچه، فسادگه قرشی کوره‌ش قانونی اساسیده، دولتی ایشلاوچی‌لردن 25 کیشی و مدنی اداره‌لردن 25 کیشی ملکی خذمت‌لر و اداری اصلاحات کمیسیونی گه تانیشتیریله‌دی.
ملکی خذمت‌لر و اداری اصلاحات کمیسیونی بو آره‌دن 15 کیشی نی جمهور رئیس گه تانیشتیره‌دی و جمهور رئیس ایسه بو جمله‌دن 5 کیشی نی اداری فسادگه قرشی کوره‌ش کمیسیون اعضالری صفتیده تنله‌یدی.
شو توغریده…
ایچکی ایشلر وزیرلیگی‌ده اداری فساد کینگه‌یگن
کانلر وزیرلیگی‌ده اداری فساد موجودلیگی‌دن خواطر بیلدیریلگن
اداری فسادگه قرشی کوره‌ش کمیسیوننینگ گزینش کمیتهسیدن مدنی نهادلر چیقاریلدی
اداری فسادگه قرشی کوره‌ش ینگی قانون بیکار قیلینگن
افغانستان شفافیتی‌نی کوزه‌تووچی اداره باشلیغی سیداکرام افضلی نینگ ایتیشیچه، مدنی جماعه‌چیلیک اداره‌لری طرفسیز و تأثیرچن بیر کمیسیون تشکیل ایتیلیشی اوچون یخشی ریجه تیارلگن.
جناب افضلی نینگ ایتیشیچه، حکومت نینگ حاضرگی ریجه‌سی بیلن اداری فسادگه قرشی کوره‌ش کمیسیون ایجاد ایتیلگن صورتده، بو کمیسیون حکومتی و سیاسی بوله‌دی و اولر ایسه بونی قبول قیلمه‌یدی.
بو توغریده جمهورلیک ریاستی نینگ فکرینی اورگه‌نیش اوچون علاقه قوردیک، بیراق بو ایش گه مؤفق بولمه‌دیک.
اوروش دن سونگ، اداری فساد افغانستان اهالیسی نینگ چاره‌سیزلیک عامل‌لریدن بیری سنله‌دی و بو موضوع افغانستان ایشانچی‌نی دنیا بوییچه قویی توشیرگن.
