اخوان‌المسلمین گروهی بیر اعلامیه ترقه‌تیب، مصر سابق جمهور رئیسی محمد مرسی نینگ اولدیریلگنی‌نی اعلان قیلگن.
مصر بیرینچی جمهور رئیسی محمد مرسی، اوتگن کونی محکمه‌ده حاضر بولگن ایدی، بیراق قاضی بیلن صحبت قیله‌دیگن بیرچاغده، بی‌هوش بولیب و کسلخانه یولیده دنیادن اوتگن.
مصر دولتی تلویزیونی‌نینگ اعلان قیلیشیچه، جناب مرسی قلبی توخته‌گنی سبب، دنیادن اوتگن.
بیراق، مصر محکمه‌سی نینگ مسووللریگه کوره، جناب مرسی قاضی بیلن 5 دقیقه صحبت قیلگنی‌دن سونگ، بی‌هوش بولیب و نتیجه‌ده دنیادن اوتگن.
محمد مرسی 1392- ییلده نیچه کون‌لیک جنجللردن سونگ، مصر اردو‌سی تامانیدن جمهورلیک ریاستیدن چیکلنتیریلگن ایدی.
جناب مرسی بیر ییلدن سونگ، مصر حاضرگی جمهور رئیسی عبدالفتاح سیسی نینگ رهبرلیگی‌ده بولگن کودتا دن سونگ محبوس ایتیلدی.
مصر جنایی محکمه‌سی، جناب مرسی‌نی امنیتی کوچلر و اعتراضچیلر آره‌سیده زوره‌وانلیک‌نی تحریک قیلگنی باعث، 20 قمراوگه محکوم ایتیلدی و اوندن سونگ، مصر قماقخانه‌لریدن بیری‌ده قوراللی هجوم‌نی سازمان بیرگنی سبب، اعدام‌گه محکوم بولدی.
