.jpg)
بوگون «پنجشنبه» پنجشیر ولایتیده بولگن احمدشاه مسعودنینگ مقبره‌سیده افغانستان نینگ تورلی ولایت‌لریدن کیلگن مینگ‌لرچه کیشی نینگ اشتراکی‌ده «افغانستان ملی قهرمانی نینگ آرمانلریگه صادق و قیته سوز بیریش» نامی ده کته و کینگ بیر ییغین اوتکزیلدی.
اوشبو ییغینده احمدشاه مسعودنینگ اوغلی احمد مسعودنینگ ایتیشیچه، اوتگن آیلر جریانیده سیاستچی‌لر و بویوک‌لرنینگ کوپینچه‌سی بیلن اوچره‌شیب و صحبت قیلگن و نتیجه‌ده «2- مقاومت» ائتلافی نینگ تشکیل بیریش گه قرار آلگن.
احمد مسعودنینگ ایتیشیچه، ملی قهرمان نینگ آرمانلرینی قیته تیریلتیریش، ملی بیرلیک تأمین‌لنیشی، مقاومت ارزشلرینی تیریلتیریش، افغانستان ایرکین‌لیگی و آبادانچیلیگی، اسلامی توزوم ایجاد ایتیلیشی و اجتماعی عدالت‌ده ملی بیرلیک بولیشی اوچون «2- مقاومت» ائتلافی نینگ تشکیلی گه قول اورگن.
اونینگ اورغولشیچه، سیلاو شفافیتی، مدیریتی و نتیجه‌سی توغریسیده خواطرده دیر و اونگه کوره، حاضرگی شرایط‌ده سیلاو یولگه قوییلیشی افغانستان منفعتی گه ایمس دیر.
احمد مسعودنینگ کوپه‌یتیریشیچه، تینچلیک اوچون قولگه کیلگن فرصت سیلاو کمپاین‌لریگه قربان بولمه‌سی کیره‌ک. اونگه کوره، توزوم مرکزیلشتیریلگنی افغانستان اهالیسی نینگ کته قیین‌چیلیک‌لریدن بیری دیر و اونی افغانستان اهالیسی نینگ اینگ خطرلی دوشمنی بیله‌دی.
.jpg)
اوشبو ییغینده افغانستان سیاسی و جهادی سیمالریدن بیری و تینچلیک و برابرلیک تیمی نینگ بیرینچی اورین باسری محمدیونس قانونی نینگ ایتیشیچه، 2- مقاومت ائتلافی اوزگریش اوچون تشکیل ایتیلگن.
جناب قانونی نینگ ایتیشیچه، افغانستانده اوروش یکونلنیشی گه سبب بوله‌دیگن تینچلیک دن حمایت قیله‌دی. اونینگ کوپه‌یتیریشیچه: «طالبان گروهی بیلن آچیق علاقه‌ده ایدیک و بیزلرنینگ حضوریمیز بولمه‌گن تینچلیک و کیلیشوو دایمی بولمه‌یدی.»
یونس قانونی نینگ اورغولشیچه، طالبان تامانی مقاومت حوزه‌سی دیر و آمریکا بیلن طالبان گروهی نینگ آره‌سیده بولگن 9 دور تینچلیک سوزلشوولریده هم مقاومت حوزه‌سیدن نماینده‌لر اشتراک قیلیشگن. اونینگ ایتیشیچه، کیله‌جک ایکی هفته ده افغانستان اهالیسی سیلاو یا-ده تینچلیک تامان کیتیشی معلوم بوله‌دی. جناب قانونی سیلاوگه نسبتن تینچلیک نی افغانستان اهالیسی نینگ منفعتی گه بیله دی.
اوشبو ییغینده افغانستان نینگ 15 دن آرتیق ولایت‌لری نینگ نماینده‌لری جمله‌دن فضل‌کریم ایماق، ایوب سالنگی، حسین سنجنی، داکتر ضیا، قاری بابا، حضرت علی و ذولفقار امید تیزیم شکلده قندوز، پروان، کاپیسا، سمنگان، غزنی، ننگرهار و یاغدولیک حرکتی 2- مقاومت ائتلافی دن حمایت بیلدیریشگن.
ایتیلیشیچه، بو ییغینده چمه‌سی 12 مینگ کیشی اشتراک قیلگن ایکن.
