مرکزی احصائیه اداره‌سی‌نینگ چیکلنتیریلگن ایشلاوچیلریدن اونلرچه‌سی، چیکلنتیریلگن‌لری اوچون احصائیه اداره‌سی‌نینگ دروازه‌سینی باغله‌گن.
اعتراضچی ایشلاوچی‌لرنینگ ایتیشیچه، مرکزی احصائیه اداره‌سی‌نینگ باشلیغی، جمهورلیک ریاستی‌نینگ حکمی‌گه قرشی اولرنی وظیفه‌لریدن چیکلنتیرگن.
اعتراضچی‌لرنینگ ادعا قیلیشیچه، 16/10/ 1396 تأریخی‌ده جمهورلیک ریاستی تامانیدن مرکزی احصائیه اداره‌سی اوچون صادر ایتیلگن 656- رقم‌لی حکم اساسیده، «جمهورلیک ریاستی مرکزی احصائیه اداره‌سی‌نینگ 1397- مالی ییل تشکیلاتی‌ده 1396- ییل تشکیلی‌نی سقلب 250 بست بیلن ایکی ینگی اورین باسرلیک‌نی تصدیق‌لگن.»
اعتراضچی‌لرنینگ آگاه‌لنتیریشیچه، اولرنینگ ایستگی‌گه ایجابی جواب بیرلگونگه قدر اعتراض‌دن قول تارتمه‌یدیلر. مذکور اداره ایشلاوچیلریدن عبدالقدیر و زرغونه‌نینگ ایتیشچه، مرکزی احصائیه ادرسیده ییل‌لرچه ایش قیلیب و نهایت‌ده دلیل سیز چیکلنتریلگن‌لر.
کیم‌لیگی فاش ایتیلیشی‌نی ایستمه‌گن احصائیه ادارۀ‌سیدن بیر منبع‌نینگ سلام‌وطندارگه ایتیشیچه، مذکور ایشلاوچیلرنی چیکلنتریلگنی قانون‌گه قرشی دیر. منبع‌گه کوره، چیکلنتریلگن کیشی‌لرنینگ اورنیده 150 مصلحتچی یوقاری معاش بیلن استخدام ایتیلگن.
مرکزی احصائیه ادارۀ‌سی مسئولری چیکلنتیریلگن ایشلاوچیلر توغریسیده هیچ نرسه دیمه‌یدی. اعتراضچی‌لر آگاه‌لنتیریب ایتیشیچه، حق‌لریگه ییتیشگونچه مذکور اداره ایشیگی‌نینگ آچمه‌یدیلر.
