حکومت اجراییه باشلیغی عبدالله‌عبدالله نینگ ایتیشیچه، پارلمان تقدیری تیزلیک‌ده بیللی بوله‌دی.
چهارشنبه کونی جناب عبدالله افغانستان بوییچه اروپا بیرلیگی ایلچیسی فرانز میشل ملیبن بیلن اوچره‌شگن چاغیده ایتیشیچه، سیلاولر توزومی‌گه اصلاحات کیلتیریش کمیسیونی‌نینگ ایشی باشلن‌گنیدن کیین پارلمان ایشی دوام ایتیشی توغریسیده هم قرار آلینه‌دی.
اجراییه ریاستی تامانیدن ترقتیلگن خبرنامه‌ده، عبدالله‌عبدالله نینگ کوپیتیریشیچه، سیلاولر توزومی‌گه اصلاحات کیرتیش اوز نهایه سیگه ییتیب، پارلمان و ولسوال‌لیک‌لر کینگشی سیلاو اوتکزیلیشی بیللی بولیگونچه نماینده‌لر کینگشی ایشی‌گه دوام بیره‌دی.
عین‌حالده، جمهور رییس غنی، مدنی جماعه‌چیلیک و سیاسیتچیلر بیلن اوچره‌شیب خلق نماینده‌لر کینگشی تقدیری توغریسیده مصلحت سوره‌گن.
عین‌حالده، جمهور رییس غنی، مدنی جماعه‌چیلیک و سیاسیتچیلر بیلن اوچره‌شیب خلق نماینده‌لر کینگشی تقدیری توغریسیده مصلحت سوره‌گن.
بیراق جمهور رییس‌نینگ بو ایشی نماینده‌لر قرشی لیگی‌گه روپه ره بولدی. نماینده‌لر مجلس باشلیغی عبدالرؤوف ابراهیمی‌نینگ ایتیشیچه، اشرف‌غنی بو ایشی بیلن اساسی قانون و خلق‌گه اهانت قیلگن.
نماینده‌لر کینگشی باشلیغی، نماینده‌لردن کیله‌جک هفته شنبه کونی‌گچه پارلمان ایشی دوام ایتیشی توغریسیده قرار آلیش‌لرینی سوره‌گن.
نماینده‌لر کینگشی‌نینگ آگاه لنتیریشیچه، هیچ بیر اداره حتی جمهورلیک ریاستی پارلمان تقدیری توغریسیده قرار قبول قیله آلمه‌یدی.
اساسی قانون نینگ 83- ماده سیگه کوره، نماینده‌لر کینگشی ایش دوری 5- ییل سرطان آیی نینگ بیرینچی کونیده سیلاولر نتیجه‌سی بیللی بولگنی‌دن کیین یکونلنه‌دی.
