اجتماعی ایشلر، شهیدلر و ناگرانلر وزیری نسرین اوریاخیل‌نینگ ایتیشیچه، اوشبو وزیرلیک رسمی‌لری مملکت بویلب، ناگرانلر خصوصیده 50 مینگ ساخته کارت‌نی تانیب آلگن. خانم اوریاخیل‌گه کوره، بیر قطار کیشی‌لر اوشبو کارت‌لردن ایش آلیب دولت‌دن معاش آلر ایکن.
ایتیشلیچه، اجتماعی ایشلر، شهیدلر و ناگرانلر وزیرلیگی، هر آلتی آی‌ده مذکور وزیرلیک‌که تیگیشلی دفترلر و اداره‌لر توغری‌سیده گزارش تیارلب ترقته‌دی. خانم اوریاخیل‌نینگ ایتیشیچه، اجتماعی ایشلر وزیرلیگی مذکور وزیرلیک اداره‌لریدن اداری فسادنی یوقاتیش خصوصیده ایریم لایحه‌لرنی قولگه آلگن.
اجتماعی ایشلر وزیری سلام‌وطندار بیلن اوتکزگن خاص صحبتیده ایتیشیچه، اوشبو وزیرلیک 50 مینگ خیالی ناگران‌نی تانیگنی‌دن کیین، ایکی کارت‌دن ایش آله‌دیگن 600 ناگران‌نی تانیب و اولرنی محکمه‌گه تانیشتیرگن.
حاضرگچه، افغانستان‌ده شهیدلر عایله‌لری و ناگرانلردن توغری رقم قولگه کیریتیلمه‌گن؛ بیراق خانم اوریاخیل‌گه کوره، افغانستان نفوسی‌دن 2.7 فایزی ناگران دیر. اوشبو وزیرلیک‌نینگ ایتیشیچه، تیزلیک‌ده شهیدلر عایله‌لری و ناگرانلر خصوصیده بولگن توغری رقم‌نی معلوم قیله‌دی.
