جمهورلیک ریاستی نامزدلری کیله‌جک ییل سیلاوی اوچون آت‌لرینی قید ایتگنیدن کیین جمهور رئیس غنی و نامزدلر آره‌سیده قرمه‌قرشیلیکلر کوپه‌یگن و اوشبو موضوع اهالی نی خواطرگه سالگن.
سلام‌وطندار بیلن صحبت اوتکزگن سیاسی اِیش بیلرمان محمد اسحاق اتمرنینگ ایتیشیچه، جمهور رئیس غنی جمهورلیک ریاستی نامزدلری‌نینگ آره‌سیده‌گی قرمه‌قرشیلیکلر گه سبب بولگن.
جناب اتمرنینگ ایتیشیچه، جمهورلیک ریاستی سیلاویده 6 آی قالگن بیر چاغده، جمهور رئیس کلیدی اعضالرینی حکومت‌نینگ اونملی چوکی‌لریده تعیین قیله‌دی و بو ایش باشقه کاندیدلرنی خواطرگه سالگن.
اوشبو سیاسی ایش بیلرمان گه کوره، اوشبو ایش دوام تارتگن صورتده یخشی نتیجه بیرمه‌ی و مملکت‌نینگ بحران تامان آلیب کیتیشی گه سبب بوله‌دی.
سیاسی ایش بیلرمانلردن باشقه بیریسی محب شریف‌نینگ ایتیشیچه، جمهور رئیس تامانیدن صورت تاپگن آخیرگی اوزگریشلر جمهورلیک ریاستی نامزدلری‌نینگ خواطرلنتیرگن.
حقوقدانلردن بیریسی عبدالسبحان مصباح‌نینگ ایتیشیچه، جمهور رئیس غنی جمهورلیک ریاستی سیلاوی گه نامزد بولگن حالده، قانون اساسیده برچه صلاحیت‌لری اورنیده دیر و اوندن فایده‌لنیش گه اختیارلی دیر.
اونگه کوره، حقوق اساسیده حاضر بیزلر بیر خلا گه قرار تاپگن میز و سیلاولر کمیسیونلری جمهور رئیس صلاحیت‌لرینی کمه‌یتیریش اوچون چیکلاو یره‌تیشی کیره‌ک ایدی؛ بیراق حاضر جمهور رئیس فعالیت‌لریگه هیچ قندی چیکلاو یره‌تیلمه‌گن و شو یوزه‌دن جمهورلیک ریاستی نامزدلری‌نینگ خواطری توغری دیر.
شو توغریده:
- اتمر: سیلاولر کمیسیونلری‌نینگ مسئولری بیر ریجه اساسیده چیکلنتیریلگن
افغانستان اهالیسی‌‌نینگ میراث‌لری مدافعه قیلینه‌دی؛ اتمر مسکو باره‌دی
شوندی بیر حالده، جمهورلیک ریاستی سوزلاوچیسی‌نینگ اورین باسری شاه حسین مرتضوی اوشبو سوزلرنی رد قیلیب ایتیشیچه، جمهور رئیس ایکی بویروغ صادر قیلگن و مذکور بویروغ اساسیده، حربی و غیر حربی اداره‌لرنینگ سیلاولرگه اَره‌لش حقی یوق و برچه نامزدلر امکانیت‌لردن تینگ شکلده فایده‌لنیش‌لری کیره‌ک.
اساسی قانون نینگ 64- ماده‌سی اساسیده، جمهور رئیس صلاحیت‌لری 21 فقره گه بیللی بولگن و اونینگ اساسیده، حکومت رسمی‌لری نینگ تبدیل و تعیین ایتیش جمهور رئیس صلاحیت‌لریدن دیر.
