ساغلیقنی سقلش داکترلرنینگ ایتیشیچه، آیلیک کسللیگی دورانیده دقتسیز قیلینگن صورتده، عیاللر حامله بولمهسی و شونینگدیک، سرطان کسللیگیگه چالینیشلری ممکن.
شوندهی بیر قیینچیلیککه چالینگن عیاللردن بیری صنوبر، نتیجهده اوچ مرته عملیات بولیب و ینگیلیکده فرزند ایگهسی بولگن. داکترلرگه کوره، آیلیک کسللیگی دورانیده دقتسیزلیک قیلگنی باعث، بو قیینچیلیککه دوچار بولگن.
آیلیک کسللیگی توغریسیده صحبت قیلیش نهفقط عیاللردن کوپینچهسینینگ حضوریده اویت سنلهدی، بلکیم قیزلردن بیرقطاری، بو دورهنی عایلهلریدن هم یاشیرهدیلر.
ابوعلی سینای بلخی حوزهیی کسلخانهسینی باله توغدیریش بولیمینی ترینر متخصصی دکتور زهرا همنوانینگ ایتیشیچه، آیلیک کسللیگی دورانیده عیاللر و قیزلرنینگ دقتسیزلیگی اولادسیزلیک و سرطان کسللیگیگه سبب بولیشی ممکن.
اونینگ کوپهیتیریشیچه، کوتکسلردن بیرقطاری هم عیاللر اوچون ساغلیک قیینچیلیگیگه سبب بولهدی و قیزلر آیلیک کسللیگی دورانیده استندردلی کوتکسلردن فایدهلنیشی کیرهک.
مملکت معارف وزیرلیگی، بیرینچی مرته جاری ییل آیلیک کسللیگی دورانی توغریسیده عیاللرگه معلومات بیریش لایحهسینی ترقهتدی.
