تخار ولایتیده بیر عایله نینگ اعضاسی تورت کون آچیلیک دن سونگ کسلخانه گه انتقال بیریلگن.
بوگون «سه‌شنبه» ایرته‌لب کلفگان تومنی نینگ یشاوچیلری، مذکور تومن نینگ باغ‌بالا قیشلاغیدن بیر عایله نینگ تورت اعضاسینی کسلخانه گه انتقال بیرگنلر و اولرنینگ ایتیشیچه، کم‌بغل‌لیک و ییگولیک آذیق-آوقت یوقلیگی‌دن کسل بولگنلر.
اولرنینگ ایتیشیچه، مذکور تورت کیشی‌لیک عایله گه بیر عیال بیلن ایری و ایکی قیزی شامل بوله‌دی.
تخار ولایتی کسلخانه‌سینی مسؤولی منیر عزیزی‌نینگ ایتیشیچه، مذکور تورت کیشی توییب آوقت‌لنمس‌لیک کسل‌لیگی گه دوچ کیلگن و شونینگدیک، بو کیشی نینگ تورموش اورتاغی و بیر قیزی روحی کسل‌لیک‌که دوچار بولگنلر.
کلفگان تومنی یشاوچیلری نینگ ایتیشیچه، بو عایله نینگ هیچ بیر نان تاپووچیسی یوق ایکن و کم‌بغل‌لیک باعث، ییگولیک آذیق-آوقت قول تاپه آلمه‌گن‌لر.
عین حالده، تخار حاکمی‌نی سوزلاوچیسی جواد هجری نینگ ایتیشیچه، مذکور ولایت نینگ محلی حکومتی تامانیدن بو عایله نینگ وضعیتی تیکشیریلیشی اوچون بیر هیأت تعیین ایتیلگن.
اوشبو خبر اجتماعی ترماقلرده نشر ایتیلگنیدن سونگ، تخار یشاوچیلریدن بیرقطاری، بو عایله گه نقد پول یاردم بیرگنلر.
حاضرگه‌قدر مذکور عایله اوچون کمیده 80 مینگ افغانی توپلنگن.
