جمهوررئیس‌لیک سرایی نینگ اعلام قیلیشیچه، مملکت جمهوررئیسی محمداشرف غنی و ملی مصالحه عالی کینگش باشلیغی عبدالله عبدالله، آمریکا ملی خوفسیزلیک مصلحتچیسی رابرت اوبراین بیلن تلیفون آرقه‌لی سوزلشگن.
ارگ بیر خبرنامه ترقه‌تیب ایتیشیچه، اوشبو تلیفونی علاقه اوتگن کون (جمعه 27- سرطان) شام چاغی صورت تاپگن.
ارگ نینگ اعلامیه‌سی اساسیده، سوزلشوو تامان‌لری طالبان آرقه‌لی زوروانلیک کوپه‌یتیریلگنیدن خواطر بیلدیریب کوپه‌یتیریشیچه، دواملی بیر تینچلیک تأمین ایتیلیشی اوچون زوروانلیکلر توخته‌تیلیشی کیره‌ک.
ارگ آمریکا ملی خوفسیزلیک مصلحتچیسی‌دن نقل قیلیب یازیشیچه: «آمریکا قوشمه ایالاتی ترورچیلیک اوچون قیته‌دن تینچ بیر ییرگه اوزگرمه‌یدیگن ایرکین، دموکرات و واحد بیر افغانستان‌دن حمایت قیله‌دی.»
شونینگدیک خبرنامه‌ده کیلیشیچه، ایکی تامان افغانستان‌لیکلرارا سوزلشوولر توغریسیده بحث قیلگن و بو سوزلشوولر تیزلیکده باشله‌نیشی خصوصیده اورغوله‌گن.
عین حالده، ملی مصالحه عالی کینگشی نینگ ایتیشیچه، مذکور کینگش رهبرلیگی زوروانلیکلر کمه‌یتیریلیشی و افغانستان‌لیکلرارا سوزلشوولر باشله‌نیشی حقیده اورغوله‌گن.
