آمریکا جمهور رئیسی دونالد ترامپ، اوتگن کیچه قیلگن توییتیده، افغانستان-آمریکا بیلیم یورتی نینگ ایکی استادی قوییب یوباریلگنینی خوش قرشی‌لب امید بیلدیریشیچه، مذکور ایکی استاد قوییب یوباریلیشی آتیش‌کیسین برقرار ایتیلیشی و افغانستان تینچلیک جریانیده یخشی کیلیشمه‌لرگه زمینه یره‌تیشی ممکن.
آمریکا جمهور رئیسی نینگ ایتیشیچه، «بیز کیوینگ کینگ و تیموتی ویکس نینگ عایله‌لرینی بو ایکاوی طالبان نینگ قولیدن قوییب یوباریلیش بیره‌می‌ده همراهلیک قیله‌میز.»
سلام‌وطندارگه صحبت بیرگن سیاسی ایش بیلرمان اکرم عارفی نینگ ایتیشیچه، ترامپ نینگ توییتی آمریکا و طالبان آره‌سیده تینچلیک سوزلشوولری قیته‌دن باشله‌نیشی اوچون یشیل چراغ دیر.
اوشبو سیاسی ایش بیلرمان گه کوره، حقانی ترماغی نینگ اوچ اعضاسی افغانستان-آمریکا بیلیم یورتی نینگ ایکی استادی بیلن المشتیریلگنی، افغانستانده تینچلیک تأمین‌لنیشی اوچون طالبان گروهی آدیم کوتریشی خصوصیده، آمریکا تامانیدن بیر پیام بولگن.
جناب عارفی نینگ کوپه‌یتیریشیچه، طالبان گروهی هم آتیش‌کیسین برقرار ایتیلیشی خصوصیده، عملی آدیم‌لر کوتریشی ممکن.
افغانستان-آمریکا بیلیم یورتی نینگ ایکی استادی آسترالیا فقراسی کوین کینگ و آمریکا فقراسی تیموتی ویکس، میلادی 2016- ییل، 8- اگست ده کابل‌دن اوغیرلنگن ایدیلر و جاری هفته سه‌شنبه کونی قوییب یوباریلدیلر.
شو توغریده…
آمریکا-افغانستان بیلیم یورتی نینگ ایکی استادی طالبان تامانیدن قوییب یوباریلدی
