بیرلشگن ملت‌لر تشکیلاتی نینگ ایرکینچلیک و آذیق-آوقت اداره‌سی (FAO) نینگ ایتیشیچه، افغانستان باله‌لری ناتینچلیک نتیجه‌سیده بویی اوسمسلیک و توییب آوقتلنمس‌لیک‌دن رنج ییلته‌دی.
بوگون «پنجشنبه» کابل‌ده آذیق-آوقت خلق ارا کونیدن نشانلش مراسم‌ده بیرلشگن ملت‌لر تشکیلاتی نینگ ایکینچیلیک و آذیق-آوقت اداره‌سی مسؤوللریدن بیری فبریزیو سیساریتی نینگ ایتیشیچه، افغانستان باله‌لریدن 36.6% توییب آوقتلنمس‌لیک و بویی اوسمسلیک‌دن رنج ییلته‌دی. شونینگدیک، اونینگ ایتیشیچه، افغانستان یشاوچیلریدن 44.6% ییترلیچه آذیق-آوقت تاپه آلمه‌یدی.
شونینگدیک، اوشبو مراسم‌ده دنیا آذیق-آوقت تشکیلاتی(WFP) نینگ اورین باسری پاروتی رامسوامی نینگ ایتیشیچه، افغانستانده آذیق-آوقت خوفسیزلیگی توغریسیده توغری معلومات یوق دیر.
عین دمده، افغانستان ساغلیق‌نی سقلش وزیرلیگی نینگ ساغلیک خذمت‌لری بوییچه اورین باسری فدامحمد پیکان نینگ ایتیشیچه، توییب آوقتلنمس‌لیک افغانستان باله‌لریدن کوپینچه‌سینی تأثیر آستیده آلگن.
شونینگدیک، ایکینچیلیک وزیرلیگی نینگ طبیعی قیناقلر و سوو ییتکزیش بوییچه اورین باسری حشمت‌الله غفوری نینگ ایتیشیچه، افغانستان جمعیتی دن کمیده یریمی ییترلیچه آذیق-آوقت قولگه کیریته آلمه‌یدی.
مملکت‌ده‌گی موجود ثباتسیزلیک، هوا اوزگریشی، امنیتی قیین‌چیلیک‌لر و مهاجرلر قیتیشی باعث، افغانستان یشاوچیلریدن کوپینچه‌سی ییترلیچه آذیق-آوقت قولگه کیریته آلمه‌یدی.
