اوروش
آمریکا 6 مینگ عسکرینی افغانستاندن چیقاریش خصوصیده تیارگرلیک آله‌دی
واشنگتن‌پست کونده‌لیگی‌گه کوره، بیرینچی کیلیشوو اساسیده، آمریکا حربی کوچلریدن 6 مینگ ته‌سینی افغانستاندن چیقاریشی خصوصیده تیارگرلیک آله‌دی.
اوشبو برنامه عملگه آشیریلگن صورتده، آمریکا کوچلریدن 8 مینگ ته‌سی نینگ افغانستانده قالیشی ممکن.
اوشبو کونده‌لیک نینگ آمریکا قطار مقام‌لریدن نقل قیلیب ایتیشیچه، طالبان گروهی نینگ افغانستانده آتیش‌کیسین اعلان قیلیشی و بو گروه رابطه‌سینی القاعده بیلن کیسی‌شی سبب، مذکور کوچلر افغانستاندن چیقاریله‌دی.
آمریکا مقام‌لریدن بیری نینگ واشنگتن‌پست‌گه ایتیشیچه، آمریکا و طالبان آره‌سیده بولگن سوزلشوولرنینگ 80% نهایی بولگن، بیراق باشقه 20% خصوصیده کیلیشوو آسان ایمس.
آمریکا رسمی‌لریدن باشقه بیری‌نی بو کونده‌لیک‌که ایتیشیچه، کیلیشوولرنینگ نهایی ایتیلیشی، آمریکا حربی‌لری نینگ کمه‌یشی و افغانستانده تینچلیک خصوصیده کیلیشوو اوچون طالبان گروهی و افغانستان حکومتی آره‌سیده بولگن سوزلشوولرنینگ باشله‌نیشی کیره‌ک.
ایتیلیشیچه، افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد، طالبان گروهی بیلن بولگن تینچلیک سوزلشوولرنی تیکشیریش اوچون "چهارشنبه" کونی کابل‌دن قطر تامان یولگه چیقگن ایدی. جناب خلیلزاد، دوحه‌گه سفر قیلمسدن آلدین پاکستان‌گه باریب اوشبو مملکت رسمی‌لری بیلن افغانستان تینچلیک سوزلشوولری خصوصیده صحبت قیلگن.
