سیاست
ارگ: تینچ اهالی هلاک ایتیلیشی نینگ اساسی عاملی طالبان دیر
بوگون «چهارشنبه» کابل‌ده خبری بیر ییغین اوتکزگن جمهورلیک ریاستی سوزلاوچیسی صدیق صدیقی نینگ ایتیشیچه، طالبان گناه‌سیز انسانلرنی اولدیریش‌دن قول تارتمه‌یدی و مذکور گروه نینگ هر بیر هجومی‌ده تینچ اهالی کوپینچه تلفات کوره‌دی.
اونگه کوره، طالبلر مکتبلر، مسجدلر و یشش ییرلرده هجوم قیلیب و تینچ اهالی نی نشانگه آله‌دی.
جمهورلیک ریاستی سوزلاوچیسی نینگ کوپه‌یتیریشیچه، طالبان قصدی شکلده تینچ اهالینی نشانگه آله‌دی.
جناب صدیقی، افغانستان بوییچه بیرلشگن ملت‌لر تشکیلاتی‌نینگ اورین‌باسرلیک هیأتی (یوناما) تامانیدن ترقه‌تیلگن گزارش توغریسیده عکس‌العمل بیلدیریب ایتیشیچه، یوناما تامانیدن توپله‌نیب ترقه‌تیلگن معلوماتلرنی تَن آلمه‌یمیز و معلومات توپلش گه دقت‌لنیش کیره‌ک.
اونینگ ایتیشیچه، یالغیز اوتگن بیر هفته‌ده طالبلرنینگ هجومی باعث 110 تینچ اهالی هلاک و باشقه 200 کیشی یره‌لنگن.
صدیقی نینگ کوپه‌یتیریشیچه، یالغیز اوتگن اوچ کونده طالبلرنینگ هجومی‌ده 64 کیشی هلاک و باشقه 90 کیشی تن جراحتی کوتارگن.
جمهورلیک ریاستی سوزلاوچیسی گه کوره، طالبان ترور، خودکش هجوملر و یول چیککه‌سیده ماین ییرلشتیریش بیلن تینچ اهالی گه تلفات یتیشتیره‌دی.
شونینگدیک طالبان نیچه مرته امنیتی و چیت‌ایللیک کوچلرنینگ تینچ اهالی اولیمی گه قوللری بارلیگی نی اورغوله‌گن.
