امریکا قۉشمه ایالتلرینینگ جمهور باشلیغی دونالد ترامپ، بو مملکتده ایکّینچی مراتبه جمهور باشلیغ صفتیده سیلنگچ، ۲۳-ثور، سهشنبه کونی بیرینچی رسمی خارجی سفریده سعودی عربستان گه باردی.
ترامپ، اوشبو سفری دایرهسیده، سعودی عربستان ولیعهدی محمد بن سلمان بیلن اوچرهشیب، واشنگتن ریاض بیلن مناسبتینی «کوچلیراق» قیلیشی ممکن دیب و یقین شرق کېلهجگی سعودی عربستاندن باشلنیشینی بیلدیرگن.
بیزلرنینگ فیسبوک صحیفهمیزگه باش اورینگ!
ترامپ، محمد بن سلمان بیلن تورلی ساحهلرده ۱۴۲ میلیارد دالرلیک شرطنامه امضالهگن.
اوشبو بیتیم اساسیده، سعودی عربستان ۶۰۰ میلیارد دالر امریکاده سرمایه یاتقیزیش وعدهسینی بیرگن.
معلوماتلر گه کوره، سعودی عربستان امریکا قۉشمه ایالتلری مقیاسیدهگی مصنوعی هوش مرکزلریده ۲۰ میلیارد دالر سرمایه یاتقیزیشی ممکن.
بیزلرنینگ «ایکس» ترماغی ده هم تعقیب قیلینگ!
شونینگدیک، ایکّی مملکت وکیللری تورلی ساحهلر اینیقسه دفاع، امنیت، تکنالوژی، برق، کانلرنی قازیب چیقریش و فلزی منبعلر، طبیات بولیملریده شرطنامه امضالهلرگن.
دونالد ترامپ، عربستاندن کېین قطر و بیرلشگن عرب امیرلیگی گه باریشی کوتیلهدی.
