سونگی ایکی کون ایچیده تورخم بندریده، اسلام امیرلیگی کوچلری و پاکستان چیگرهچیلری آرهسیده یوز بیرگن توقنشوولر نتیجهسیده، اونلب عایله اویلرینی ترک قیلگن.
بیزلرنینگ فیسبوک صحیفهمیزگه باش اورینگ!
دیورند چیزیغی یقینیده حیات کیچیرهدیگن و توقنشوولر طفیلی بیجا بولگن یشاوچیلردن کویتخاننینگ ایتیشیچه، تورخم بندری یاپیلگنیدن ۱۱ کون اوتگچ، منطقهلریده ایکی کوندن بیری توقنشوو یوز بیرگن. «تورخم بندری حاضرگچه یاپیق دیر. ایکی کوندن بیری بو ییرده اوروش بار. پاکستان کوچلری آرقهلی اویلریمیز نشانگه آلیندی. بو پاکستاننینگ بیرینچی هجومی ایمس. اولر نیچه مرته اهالینی نشانگه آلگن.»
بیجا بولگن یشاوچیلردن باشقه بیری، نورام شاهنینگ ایتیشیچه: «اوروش باشلنگنی پیتده، بالهلریمیزنی آلیب اویدن قاچدیک. کوپینچه قیینچیلیک بیلن روپهره میز. هیچ نرسهمیز یوق و برچه نرسهمیز نابود بولگن.»
مذکور یشاوچیلردن زردادخان بغدادنینگ ایتیشیچه: «پاکستان تورخم بندرینی یاپگن دیر. هر مرته اسلام امیرلیگی کوچلری برابریده اوروشه آلمهگنیده، اهالینینگ اویی و دکانینی نشان گه آلهدی. پاکستان ظالم بیر حکومت بولیب و افغانستانلیکلر گه ظلم قیلهدی.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، محلی مسئوللرنینگ ایتیشلریچه، بیجای بولگنلرگه تیزلیک بیلن یاردم بیریلهدی. ننگرهار ده قاچقینلر باشلیغی بازمحمد عبدالرحماننینگ ایتیشیچه: «بو ییرده سروینی باشلهگنمیز، بیر ایکی کون ایچیده سروی قیلیشیمیز یکونلنهدی و نیاز اساسیده اولرگه یاردم بیرهمیز.»
ایتیش کیرهک که، تورخم بندری ۱۱ کوندن بویان باریب-کیلیش یوزیگه یاپیلیب و شونینگدیک ایکی کوندن بیری اسلام امیرلیگی کوچلری و پاکستان چیگرهچیلری آرهسیده توقنشوو یوز بیرگن.
