بغلان ترافیک مدیریتی مسئوللری نینگ ایتیشلریچه، بوگون (چهارشنبه، ۷-سرطان)، ایرتنگ چاغی ساعت ۰۴:۰۰ اطرافیده، اوشبو ولایت‌ده یوز بیرگن ترافیکی حادثه‌ده، بیر کیشی اولیب و تورت کیشی ایسه جدی شکلده جراحت کوترگن.
بغلان ترافیک مدیریتی نینگ ترافیکی حادثه‌لرنی تیکشیریش آمری صفی‌الله عمری نینگ سلاموطندار گه ایتیشیچه، اوشبو حادثه بلخ ولایتی‌دن پلخمری تامان حرکت‌ده بولگن «کرولا» رسوملی بیر موتر نینگ پلخمری شهری «دشت خواجه‌الوان» ساحه‌سیده سرک‌دن چیقیب، تیل تانک‌لردن بیری نینگ پایه‌سیگه توقنشووی سبب یوز بیرگن.
بیزلرنینگ فیسبوک صحیفه‌میزگه باش اورینگ!
جناب عمری گه کوره، اوشبو حادثه‌ده موتر یولاوچیلریدن بیری اولیب و باشقه تورت ته‌سی ایسه جدی شکلده جراحت کوترگن.
بغلان ترافیک مدیریتی نینگ ترافیکی حادثه‌لرنی تیکشیریش آمری، اوشبو حادثه سببی نی، هیداوچی نینگ توجه‌سیزلیگی عنوان قیلیب کوپه‌یتیریشیچه، مذکور حادثه یره‌دارلری درمان اوچون کسل‌خانه گه انتقال بیریلگن.
