«بیرلشگن ملت‌لر تشکیلاتی نینگ ژنو-United Nations Geneva» اسمی آستیده‌گی نهاد نینگ آگاه‌لنتیریشیچه، افغانستانلیک قاچقینلر پاکستان دن قیتیش چاغیده قاچاق خوفی بیلن روپه‌ره دیر.
ینگی‌لیکده، انسان حقلری کوزه‌تووچی تشکیلاتی ترقه‌تگن گزارشی ده ایتیشیچه، پاکستان پولیسی افغانستانلیک قاچقینلر نینگ اوشبو مملکت دن جبر دن چیقریش پیتیده اولر بیلن یامان یانده‌شیب و برچه نرسه‌لرینی تارتیب آلگن.
پاکستان دن افغانستان گه قیتریلگن عایله‌لردن قطاری نینگ ایتیشلریچه، باش‌پنه‌سیزلر و باشقه قیین‌چیلیکلر گه علاوه، باله‌لری تورلی‌خیل کسل‌لیکلر گه چلینگن.
هر کونی پاکستان دن مینگلب قاچقین افغانستان گه جبر دن قیتیریلماقده ایکن، بیراق اوشبو قاچقین‌لردن بیرقطاری نینگ ایتیشلریچه، یوزلب مینگ کلدارلیک ماللری پاکستان ده قالگن.
پاکستان و ایران دن کونده مینگ‌لرچه افغانستانلیک یشاوچیلر نینگ مملکت گه قیتیشلری بیلن، بیرلشگن ملت‌لر تشکیلاتی، بیراق ساغلیق و آزیق-آوقت خصوصیده اولرنی آگاه‌لنتیرگن. افغانستان ده بیرلشگن ملت‌لر تشکیلاتی نینگ آزیق-آوقت دستوری مسئوللری نینگ ایتیشلریچه، قاچقینلر آچلیک و نابیللی کیله‌جک بیلن روپه‌ره‌لر.
سرپل حاکمی محمدیعقوب عبدالرحمان اکه، اوشبو ولایت نینگ اداره‌لری مسئوللریدن قطاری بیلن بیرگه‌لیکده قاچقینلر نینگ وقتینچه‌لیک کمپی نی کوریش جریانیده ایتیشیچه، اوشبو کمپ‌لرده دستلبکی یاردم‌لر، سیار ساغلیق تیم، سوو و ییگولیک ماده تأمین‌لنیب و شونینگدیک بو توغریده بیر کمیته ایش‌گه باشله‌گن.
پاکستان تامانیدن کراچی بندری‌ده افغانستانلیک سوداگرلر نینگ سوداگرلیک توارلری یوکلنگن ۳۰۰۰ کانتینری توخته‌گنی بیلن، افغانستان و پاکستان نینگ قوشمه صناعت و سوداگرلیک اتاقی مسئوللری نینگ سلام‌وطندار گه ایتیشلریچه، مذکور کانتینرلر نینگ توخته‌گنی، افغانستانلیک سوداگرلر گه کونده ۴۰۰ مینگ دالر زیان ییتیشتیره‌دی.
تی‌تی‌پی؛ اسلام امیرلیگی و پاکستان آره‌سیده حاضرگچه حل بولمه‌گن بیر معما دیر. پاکستان حکومتی گه کوره، افغانستان ده تی‌تی‌پی اعضالری موجود و اسلام امیرلیگی برچه تامانلمه اولر دن حمایت قیله‌دی؛ بیراق اسلام امیرلیگی نیچه مرته بو کبی ادعالرنی رد قیلگن.
حاضر ایران و پاکستان ده تیریکچیلیک قیلیب کیله‌یاتگن افغانستانلیک ۱۷ عیال خبرچی سلام‌وطندار بیلن اوتکزگن صحبت‌لریده ایتیشلریچه، اوشبو مملکت‌ده قیین احوال و نامعلوم کیله‌جک بیلن تیریکچیلیک قیلماقده‌لر. مذکور عیال خبرچیلر گه کوره، مملکت‌ده‌گی سونگی اوزگریشدن کیین آواره بولگنلر.
پاکستان دن افغانستانلیک قاچقینلر نینگ جبر دن چیقریش جریانی گه دایر اسلام امیرلیگی و پاکستان حکومتی آره‌سیده کیسیکین‌لیک‌لر اوج آلماقده ایکن، ینگی‌لیکده پاکستان حکومتی افغانستان سوداگرلری نینگ توارلری یوکلنگن موترلر گه چیکلاو یره‌تگن.
افغانستان توپراغیدن تروروچیلیک تهدید‌لر بارلیگی خصوصیده مملکتلر خواطرلری دوامی‌ده، سرپرست حکومت سوزلاوچیسی منطقه و دنیا مملکت‌لری گه ینه بیر مرته، افغانستان توپراغیدن باشقه مملکتلر گه قرشی قوللنیلیشی خصوصیده رخصت بیریلمه‌سلیگی‌دن ایشانچ بیرگن.
بیرلشگن ملت‌لر تشکیلاتی بشرحقلری عالی کمیساری، پاکستان پولیسی افغانستانلیک قاچقینلر نینگ بیزاوته قیلیشیدن خواطر بیلدیرماقده ایکن، سونگی کون‌لرده تورخم و اسپین‌بولدک بندرلری دن مملکت گه قیتگن قطار قاچقینلر نینگ ایتیشلریچه، پاکستان پولیسی اوشبو مملکت دن قاچقینلر نینگ جبر دن چیقریش پیتیده، اولر گه ظلم قیلیب و برچه نرسه‌لرینی تارتیب آلگن.
سوداگرلیک و صناعت وزیرلیگی مسئوللری نینگ ایتیشلریچه، اوتگن کون اسلام‌آباد ده افغانستان، پاکستان و اوزبیکستان آره‌سیده اوچ تامانلمه سوداگرلیک ییغین یولگه قوییلگن. اوشبو وزیرلیک سوزلاوچیسی آخوندزاده عبدالسلام جواد نینگ سلام‌وطندار گه ایتیشیچه، مذکور ییغین‌ده افغان-ترانس تیمیر یولی پروژه‌سی، صادرات و واردات یول‌لری کوچلنیشی، آستقورمه‌لر کوچه‌یشی، سوداگرلیک خصوصیده‌گی توسیق‌لیکلر کمه‌یشی و مملکتلر آره‌سیده سوداگرلیک کوچلنیشی حقیده بحث و صحبت قیلگنلر. اونینگ کوپه‌یتیریشیچه، شونینگدیک مذکور ییغین‌ده اوچ تامان سوداگرلیک و ترانزیتی همکارلیک بیتیمی نی امضا قیلگنلر.
قاچقینلر وزیرلیگی مسئوللری نینگ ایتیشلریچه، حاضرگچه ۳۵۱ مینگ‌دن آرتیق افغانستانلیک قاچقین ایران، پاکستان و تورکیه مملکت‌لریدن چیقریلگن که، بو آره ۲۳۹ مینگ ۶۱۴ کیشی پاکستان‌دن چیقریلگن دیر.
پاکستان دن مملکت گه قیتگن قاچقین عایله‌لر دن بیرقطاری سلام‌وطندار بیلن اوتکزگن صحبت‌لری ده ایتیشلریچه، اولکه گه قیتیش پیتیده پاکستان پولیسی نینگ یامان یانده‌شووی و اوشبو مملکت دن جبر دن چیقریلیش‌لری باعث، باله‌لری نینگ میه‌سی گه سلبی تاثیر قیلگن.
رادیو پاکستان، اوشبو مملکت نینگ دولتی میدیاسی بوگون (دوشنبه، ۲۲-عقرب)، حاضرگچه پاکستان دن ۲۲۰ مینگ ۳۹۸ افغانستانلیک یشاوچیسی نینگ افغانستان گه قیتگنی نی اعلام قیلگن دیر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
