اوتگن ۲۴ ساعت ده تخار نینگ ۸ تومنی طالبان نظارتی گه اوتگن

اوتگن ۲۴ ساعت ده تخار نینگ ۸ تومنی طالبان نظارتی گه اوتگن. تخار ولایتیدن محلی منبعلرنینگ ایتیش‌لریچه،‌ اوتگن بیر کیچه‌وکوندوز ده بو ولایت نینگ چال، خواجه غار، درقد، خواجه بهاوالدین،‌ نمک‌آب، ینگی قلعه، هزار سموچ و دشت قلعه تومن‌لری طالبان قولیگه سقوط قیلگن.

تخار نینگ ینگی‌قلعه، چال و هزارسموچ تومن‌لری طالبان گه تاپشیریلدی

تخار ولایتیدن بیر منبع نینگ سلام‌وطندارگه ایتیشیچه، اوتگن کیچه چال و هزارسموچ تومنلری و بوگون ایرته‌لب ینگی‌قلعه تومنی، آتیشمه یوزبیرمسدن طالبان نظارتی گه اوتگن. منبع گه کوره، امنیتی کوچلر تینچ‌اهالی و حربیلر تلفاتی نینگ آلدینی آلیش اوچون، حربی جهازلری بیلن تینچ بیر ییرده آرتده چیکیلگن.

تومن‌لر بیر معامله اساسی‌گه سقوط قیلماقده

مملکت بوییچه بیرقطار تومن‌لرنی طالبان قولیگه سقوط قیلیشی بیلن کته ولایت‌لر سقوط قیلیش خطری بیلن روپه‌ره بولگن.

بوگون “شنبه” هلمند اهالی‌سی نینگ نماینده‌لر کینگشیده‌گی وکیل‌لری نینگ کابلده خبری بیر ییغین اوتکزیب ایتیش‌لریچه، اوشبو ولایت طالبان قمراویگه قرار تاپگن و حکومت دقت قیلمه‌گن صورتده طالبان قولیگه سقوط قیلیشی ممکن.

جوزجان ولایتی نینگ مردیان تومنی طالبان قولی‌گه سقوط قیلدی

جوزجان ولایتی کینگش اعضالری نینگ ایتیش‌لریچه، اوشبو ولایت نینگ مردیان تومنی کمکی کوچ یوباریلمه‌گنی باعث، شدتلی آتیشمه‌دن سونگ، طالبان قولی‌گه سقوط قیلگن.

جوزجان ولایتی کینگش عضوی ملاامرالدین دانشجو نینگ ایتیشیچه، مردیان تومنی نینگ پولیس قومندانلیگی و تومن بناسی اوتگن کیچه طالبان قولیگه سقوط قیلگن.

هوایی یاردم ییتیشمه‌گنی باعث غوربند نینگ نمک‌آب دره‌سی طالبان نظارتی گه اوتگن

پروان محلی مسئوللری نینگ ایتیش‌لریچه، غوربند نینگ نمک‌آب دره‌سیده محلی حربی عسکرلر و طالبان گروهی آره‌سیده بیر کیچه‌وکوندوز آتیشمه یوزبیرگنیدن کیین، هوایی یاردم ییتیشمه‌گنی باعث طالبان قولیگه سقوط قیلدی.

فراه ولایتی نینگ لاش‌وجوین تومنی سقوط قیلیب و امنیتی کوچلردن ۳۰ ته‌سی هلاک ایتیلگن

فراه ولایتی کینگش اورین باسری شاه‌محمود نعیمی نینگ سلام‌وطندارگه ایتیشیچه، اوتگن کونی عصر چاغیده اوشبو ولایت نینگ لاش‌وجوین تومنی کامل صورتده، طالبان قولیگه سقوط قیلگن.

فراه ولایتی کینگش اورین باسری نینگ کوپه‌یتیریشیچه، دستلبکی معلومات‌لرگه کوره، اوتگن بیر کیچه و کوندوز ده طالبان هجومی سبب، ملی اردو، ملی پولیس و ملی خوفسیزلیک حربی‌لری شامل ۳۰ کیشی هلاک ایتیلگن.

چاه‌آب تومنی نینگ پولیس قومندانلیگی و تومن بناسی طالبان نظارتی‌گه اوتگن

تخار ولایتی کینگش کاتبی محمداعظم افضلی نینگ سلام‌وطندارگه ایتیشیچه، طالبان جنگریلری اوتگن کیچه، اوشبو ولایت نینگ چاه‌آب تومنی اوستیگه هجوم قیلگن و بوگون “چهارشنبه” امنیتی کوچلر اوشبو تومن پولیس قومندانلیگی و تومن بناسینی ترک قیلیب شهر باشقه منطقه‌لریگه جایلشگنلر.

کاپیسا و میدان‌وردک ده ۲۰ امنیتی پوسته طالبان قولیگه سقوط قیلگن

تگاب تومنیده ایشانچلی امنیتی بیر منبع آتی فاش ایتیلیشی نی ایستمه‌ی سلام‌وطندارگه ایتیشیچه، ایکی کوندن بویان مذکور تومنده امنیتی کوچلر و طالبان گروهی آره‌سیده آتیشمه نی دوامی بار و یاردم ییتیشمه‌گنی باعث، ۱۵ خوفسیزلیک پوسته طالبان قولیگه سقوط قیلگن.

اوتگن ۴۸ ساعت‌ جریانیده مملکت ۳ ولایتیده ۵ تومن طالبان قولیگه سقوط قیلگن

فاریاب، غزنی و بادغیس ولایت‌لردن قولگه کیلگن معلومات‌لرگه کوره، اوشبو ولایت‌لرنینگ ۶ تومنی شدتلی آتیشمه‌لردن سونگ، طالبان قولیگه سقوط قیلگن. فاریاب ولایتی نینگ قیصار و دولت‌آباد تومنی، غزنی ولایتی نینگ آب‌بند و جغتو تومنی و بادغیس ولایتی نینگ جوند تومنی طالبان نظارتی‌گه اوتگن تومن‌لر جمله‌‎سیدن دیر.

قیصار ده قمروگه قالگن ۱۰۰ حربی برچه حربی جهازلری بیلن طالبان قولیگه توشگن

فاریاب ولایتی نینگ قیصار تومنی اوتگن کون طالبان نظارتی گه اوتدی، بیراق حربی‌لردن کمیده ۳۰ ته‌سی اوزلرینی طالبان قمرویدن نجات بیریب و امنیتی کوچلرنینگ نظارتی گه بولگن «کوهی» قیشلاغیده‌‌گی حربی‌لرگه ییتیشتیردی، بیراق کوپ وقت اوتمه‌دی که کوهی قیشلاغی هم طالبان قولیگه سقوط قیلدی.

عبدالله عبدالله نظام سقوط قیلیشیدن آگاه‌لنتیرگن

ملی مصالحه کینگشی باشلیغی عبدالله عبدالله نینگ پامیر ۳۰۳ قومندانلیگی سابق قومندانی داوود داوود نینگ ۱۰- ییل اولدیریلیشیدن نشان اوچون یولگه قوییلگن مراسمده مملکت حاضرگی وضعیتیدن خواطر بیلدیریب ایتیشیچه، تینچلیک سوزلشوولر ایجابی نتیجه بیرمه‌گن بیرحالده، چیت‌ایللیک کوچلرنی افغانستاندن چیقیشی مملکت وضعیتی اوستیگه سلبی تاثیر قویه‌دی.

میدان وردک نینگ جلریز تومنی طالبان قولیگه سقوط قیلدی

میدان وردک پولیس قومندانلیگی‌دن بیر منبع سلام‌وطندار بیلن صحبت اوتکزیب ایتیشیچه، مذکور ولایت نینگ جلریز تومنی طالبان نظارتی گه اوتگن.
مذکور منبع آتی فاش ایتیلیشی نی ایستمه‌ی ایتیشیچه، جلریز تومنی بوگون (جمعه ۳۱- ثور) ایرته‌لب امنیتی کوچلر و طالبان گروهی آره‌سیده بیر آتیشمه یوزبیرگنیدن کیین، مذکور گروه قولیگه سقوط قیلگن.