هرات‌ ده سوداگر عیال‌لرنینگ ایش‌لری سقوط بیلن روپه‌ره بولگن

صفیه محیطی، سوداگرلر عیال‌لردن بیری و هرات ده محیط بانوان هریوا شرکتی مسوولی دیر. او، ۶ ییل آلدین اوشبو خذمت ییتیشتیریش مرکزنی ایجاد قیلگن. اونینگ ایتیشیچه، سابق‌لرده ایشی یخشی ایکن و اونلرچه عیال اونینگ شرکتی‌گه شغللنه‌ریکنلر.
خانم محیطی نینگ کوپه‌یتیریشیچه، اسلامی امارت حاکم بولیشی بیلن مشتری‌لرینی قولدن بیرگن

۲۰۷ ظفر قول اردو و هرات قونالغه‌سی طالبان گه تاپشیریلدی

هرات ولایتی کینگش اعضاسی غلام‌حبیب هاشمی نینگ سلام‌وطندارگه ایتیشیچه، بوگون توشدن آلدین طالبان نماینده‌لریدن قطاری بو گروه قومندان‌لریدن بیری ملاحیدر رهبرلیگیده، ۲۰۷ ظفر قول‌اردو قومندانلیگیده محمداسماعیل خان شامل امنیتی ییریک رسمیلر بیلن بیر ییغین اوتکزگن.

طالبان اوتگن کوندن بویان ۵ ولایت مرکزی نی نظارت گه آلگن

طالبان اوتگن کوندن بویان ۵ ولایت مرکزی نی نظارت گه آلگن. منبعلرنینگ سلام‌وطندارگه ایتیش‌لریچه، طالبان اوتگن کوندن بویان هرات، قلعه‌نو، فیروزکوه، لشکرگاه و قندهار شهر‌لری نینگ نظارتگه آلگن.
دولتی رسمیلر بو شهرلرنینگ نظارتگه آلینگنی توغریسیده حاضرگچه هیچ بیر نرسه دیمه‌گن.

پلخمری شهری سیاسی بیر معامله‌دن کیین طالبان قولیگه سقوط قیلگن

دولتی کوچلر ۴۸ ساعت آتیشمه اوتکزگندن کیین اوتگن کون شام چاغی، بغلان مرکزی پلخمری شهری نینگ ترک قیلیب و کیله‌گی منطقه‌سیده‌گی حربی کوچلرنینگ اوچینچی لواسیده جایلشگن. نماینده‌لر کینگشی ده بغلان ملت وکیلی نوریه حمیدی نینگ ایتیشیچه، پلخمری شهری سیاسی بیر معامله نتیجه‌سیده طالبان گه تاپشیریلگن.

فراه شهری نینگ کوپ بولیمی طالبان قولیگه سقوط قیلگن

فراه ولایتی کینگش مسئوللری نینگ ایتیش‌لریچه،‌ طالبان مذکور ولایت مرکزیده کینگ هجوم یولگه قوییش بیلن فراه شهری نینگ کوپینچه بولیم‌لرینی نظارت گه آلگن.
فراه ولایتی کینگش اورین‌باسری خیرمحمد نورزی نینگ سلام‌وطندارگه ایتیشیچه،‌ طالبان اوتگن کون شام‌دن بویان فراه شهری نینگ شمال و غربیدن بو شهر اوستیگه هجوم قیلگن.

نیمروز مرکزی زرنج شهری طالبان نظارتی گه اوتدی

نیمروز مرکزی زرنج شهری طالبان نظارتی گه اوتدی. منبع‌لردن قطاری نیمروز مرکزی زرنج شهری نینگ طالبان قولیگه سقوط قیلگنیدن خبر بیریشگن.
شونینگدیک نیمروز پولیس قومندانلیگی نینگ مطبوعات آمری غلام صدیق نورزی، زرنج شهری طالبان قولیگه سقوط قیلگنی نینگ تصدیق‌لگن. اونگه کوره، یاردمچی کوچلر ییتیشمه‌گنی باعث زرنج شهری طالبان قولیگه سقوط قیلگن.

جو بایدن: افغانستان حکومتی سقوط قیلمه‌یدی

آمریکا جمهوررئیسی جو بایدن نینگ ایتیشیچه، افغانستان حکومتی سقوط قیلمه‌یدی و تیزیم نی سقلش اوچون ییترلیچه حربی و حربی جهازلر بار دیر. جناب بایدن، اوتگن کیچه آق سرای ده یولگه قویگن خبری بیر ییغینده بونده‌ی بیانات بیرگن. آمریکا جمهوررئیسی بیر خبرچی نینگ سوراغی گه جواب قیتریب ایتیشیچه، افغانستان حکومتی نینگ ۳۰۰ مینگ قوراللی حربیسی بار، بیراق طالبان جنگری‌لری نینگ سانی ۷۵ مینگ کیشی گه ییتیشه‌دی.

طالبان بادغیس مرکزی قلعه‌نو شهری گه کیرگن

بادغیس حاکمی حسام‌الدین شمس نینگ سلام‌وطندارگه ایتیشیچه، بو ولایت برچه تومن‌لری طالبان قولیگه سقوط قیلگن و بو گروه جنگریلری بادغیس مرکزی قلعه‌نو شهری گه داخل بولگن. شونینگدیک بادغیس ولایتی کینگش باشلیغی عبدالعزیز بیک نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگنیدن کیین، حاضر مذکور گروه جنگریلری اوزلرینی اوشبو ولایت مرکزی قلعه‌نو شهری گه ییتیشتیرگن.

بدخشانده اوتگن بیر کیچه و کوندوز ده ۶ تومن طالبان قولی‌گه سقوط قیلگن

بدخشان ولایتیدن امنیتی بیر منبع‌‎ نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو تومن‌لرده جایلشگن امنیتی کوچلردن بیرقطاری طالبان گروهی‌گه تسلیم بولگن و باشقه بیرقطاری ایسه بدخشان مرکزی و قوشنی تومن‌لرده جایلشگن‌لر.
منبع نینگ کوپه‌یتیریشیچه، بدخشان ولایتی نینگ راغستان تومنیده امنیتی کوچلردن کمیده ۱۰۰ ته‌سی طالبان قمراویگه قرار تاپگن.

بلخ نینگ کلدار تومنی؛ اوتگن کون تازه‌لنگن ایدی و بوگون سقوط قیلدی

محلی و امنیتی منبع‌لرنینگ کیم‌لیکلری سیرقالیش‌نی ایسته‌ب سلام‌وطندارگه ایتیش‌لریچه، بلخ ولایتی نینگ کلدار تومنی و سمنگان ولایتی نینگ فیروز نخچیر تومنی اوتگن کونی شام چاغیده طالبان قولی‌گه سقوط قیلگن و اوشبو تومن‌لرده بولگن امنیتی و مردمی کوچلر باشقه قوشنی مکان‌لرگه جایلشگن‌لر.

قندوز نینگ شیرخان بندری طالبان قولی‌گه سقوط قیلدی؛ امنیتی کوچلر چیگره او تامانی‌گه جایلشگن‌لر

قندوز محلی مسوول‎لری و ولایتی کینگش اعضالری نینگ ایتیش‌لریچه، اوشبو ولایت نینگ امام‌صاحب تومنی طالبان قولیگه سقوط قیلگنیدن سونگ، طالبان جنگریلری شیرخان بندر اوستیگه هجوم قیلیب بوگون “سه‌شنبه” ایرته‌دن چاغیده اوشبو بندرنی تصرف قیلگن.

اوتگن ۲۴ ساعت ده تخار نینگ ۸ تومنی طالبان نظارتی گه اوتگن

اوتگن ۲۴ ساعت ده تخار نینگ ۸ تومنی طالبان نظارتی گه اوتگن. تخار ولایتیدن محلی منبعلرنینگ ایتیش‌لریچه،‌ اوتگن بیر کیچه‌وکوندوز ده بو ولایت نینگ چال، خواجه غار، درقد، خواجه بهاوالدین،‌ نمک‌آب، ینگی قلعه، هزار سموچ و دشت قلعه تومن‌لری طالبان قولیگه سقوط قیلگن.

تخار نینگ ینگی‌قلعه، چال و هزارسموچ تومن‌لری طالبان گه تاپشیریلدی

تخار ولایتیدن بیر منبع نینگ سلام‌وطندارگه ایتیشیچه، اوتگن کیچه چال و هزارسموچ تومنلری و بوگون ایرته‌لب ینگی‌قلعه تومنی، آتیشمه یوزبیرمسدن طالبان نظارتی گه اوتگن. منبع گه کوره، امنیتی کوچلر تینچ‌اهالی و حربیلر تلفاتی نینگ آلدینی آلیش اوچون، حربی جهازلری بیلن تینچ بیر ییرده آرتده چیکیلگن.