بوگون (چهارشنبه، ۱۳-ثور) خلقارا ییتکیرمه‌لر ایرکین‌لیک کونی گه ماس دیر. معلومات و مدنیت وزیرلیگی بوگون حکومت معلومات‌لر و میدیالر مرکزی‌ده بیر برنامه یولگه قوییش بیلن، خلقارا ییتکیرمه‌لر ایرکین‌لیک کونیدن نشانلگن. مذکور وزیرلیک مسئوللری اوشبو برنامه‌ده خبرچیلر گه میدیالر فعالیتی برابریده‌گی قیین‌چیلیک‌‌لر نینگ…
افغانستان ایرکین میدیالریدن حمایت قیلووچی نهاد (نی)، بوگون خلقارا ییتکیرمه‌لر ایرکین‌لیک کونی مناسبتی بیلن بیر اعلامیه ترقه‌تیب ایتیشیچه، خلقارا ییتکیرمه‌لر و میدیالر ایرکین‌لیک کونی، خلقارا کون اوله‌راق بیرلشگن ملت‌لر تشکیلاتی تامانیدن رسمیت گه تانیلگن.
معلومات و مدنیت وزیرلیگی نینگ مسئوللری مطبوعات کونی مناسبتی بیلن، میدیالر ایشلری گه اره‌لشمسلیک اوچون امنیتی اداره‌لر، تشقی ایشلر و امرمعروف و نهی منکر وزیرلیک‌لری بیلن شرطنامه امضاله‌‍شیدن خبر بیرگن.
افغانستان ایرکین میدیالریدن حمایت قیلووچی نهاد (نی)، یک‌شنبه کونی، ۲۸ حوت، بیر بیانیه ترقه‌تیب ایتیشیچه، بوگون ۱۴۰۱_ییل نینگ سونگی کونی دیر، مذکور تشکیلات نینگ یازیشیچه، افغانستان ده‌گی خبرچیلر و میدیالر اوشبو ییل نی تورلی خیل قیینچلیکلر و خواطرلر بیلن اوتکزگن.
داعش گروهی، بلخ مرکزی مزارشریف شهری ده خبرچیلر ییغیلیشی اوستیگه اویوشتیریلگن پارتلش مسئولیتینی تن آلگن. العربیه نینگ گزارشی اساسیده، داعش گروهی یک‌شنبه، ۲۱ حوت، اوز تلگرام کانالی ده شنبه کونی مزارشریف شهری ده اویوشتیریلگن پارتلش اولر نینگ ایشی دیه یازگن.
افغانستان اوچون بیرلشگن ملت‌لر تشکیلاتی انسان حقلری کینگشی نینگ مخصوص گزارشگری، شنبه کیچه، ۲۰ حوت، اوز تویتیری ده، بلخ مرکزی مزارشریف شهری ده تبیان فرهنگی مرکزی ده خبرچیلر ییغیلیشیده اویوشتیریلگن پارتلش، افغانستان ده ایرکین سوز گه ینه بیر زیان دیب یازگن.
ایچکی ایشلر وزیرلیگی سوزلاوچیسی عبدلنافع تکور نینگ ایتیشیچه، بوگون توش دن آلدین (شنبه، ۲۰ حوت) ساعت ۱۱:۳۰ اطرافی ده، مذکور ولایت مرکزی مزارشریف شهری نینگ ایکینچی خوفسیزلیک حوزه حدودلری گه قره‌شلی «تبیان» فرهنگی مرکزی ده پارتلش یوز بیرگن.
بلخ ده‌گی محلی منبع‌لر نینگ سلام‌وطندار گه ایتیشلریچه، بوگون توش دن آلدین (شنبه، ۲۰ حوت) بلخ مرکزی مزارشریف شهری نینگ ایکینچی خوفسیزلیک حوزه حدودلری گه قره‌شلی «تبیان» فرهنگی مرکزی ده، خبرچیلر آره‌سیده پارتلش یوز بیریب و قطار کیشی‌لر اولیب و یره‌لنگن.
چیگره بیلمس گزارش‌گرلر تشکیلاتی، اسلام امیرلیگی تامانیدن اصلی افغان بولگن فرانسه‌‌لیک خبرچی مرتضا بهبودی حبس گه آلینگنیدن خواطر بیلدیریب، اونینگ قوییب یوباریلیشی اوچون بیرلشگن ملت‌لر تشکیلاتی دن یاردم سوره‌گن. عین‌حالده، خبرچیلردن قطاری نینگ ایتیشلریچه، زوروانلیک‌لردن قورقیش اوچون، خودسانسورلیککه یوز کیلتیرگنلر.
افغانستان ایرکین میدیالریدن حمایت قیلووچی نهاد (نی) مسئوللری نینگ ایتیشلریچه، اوشبو نهاد نینگ معلوماتی اساسیده، هلمند محلی مسئوللری خبرچیلردن، بوندن کیین اوشبو ولایت مسئوللری و یشاوچیلری دن ویدیویی گزارش تیارلب و نشر قیلمسلیک بویروغینی بیرگن.
افغانستان ایرکین میدیالریدن حمایت قیلووچی نهاد (نی)، پنج‌شنبه کیچه، ۲۷ دلو، بیر بیانیه ترقه‌تیب ایتیشیچه، اوتگن بیر آی ده خبرچی‌لرنی حبس گه آلیش و اولرنی بیزاوته قیلیش واقعه‌‌لری کوپه‌یشی، اوشبو نهاد خواطری گه سبب بولگن. نی نینگ کوپه‌یتیریشیچه، مذکور نهاد نینگ معلوماتی اساسیده، قندهار ده محلی خبرچی محمدیار مجروح مذکور ولایت خوفسیزلیک کوچلری تامانیدن قولگه آلینگن و ایکی کوندن بویان قماقخانه ده دیر.
خبرچیلردن قطاری، اطلاعات گه قول تاپه آلمسلیک و اسلام امیرلیگی سوزلاوچیلری تامانیدن اطلاعات شریک قیلینمسلیگیدن شکایت قیله‌دیلر.
پاکستان ده افغان خبرچیلردن قطاری اقتصادی قیین‌چیلیک‌دن شکایت قیلیب و کیله‌‌جک‌لری خصوصیده خواطر بیلدیرگنلر. اسلام امیرلیگی نینگ قدرت گه ایریشگنیدن کیین، پاکستان گه کیتگن خبرچیلر نینگ ایتیشلریچه، بیرییل‌‌دن بیری حاضرگچه تقدیرلری بیللی بولمه‌گن.
بوندن آلدین پاکستان حکومتی قانونی سند‌لری بولمه‌گن یا-ده ویزه‌لری نینگ وقتی یکونلنگن مهاجرلر گه، ویزه‌لری نی تمدید قیلیش یا-ده اوشبو مملکت‌دن چیقیش‌لری اوچون، ۲۰۲۲-ییل نینگ ۳۱ -دسمبر‌گچه وقت بیرگن ایدی.
پاکستان ده حیات کیچیرهدیگن افعانستانلیک مهاجرلردن قطاری نینگ ایتیشلریچه، اوتگن کوندن بیری، اوشبو مملکت تامانیدن افغانستانلیک مهاجرلر نینگ قولگه آلیش جریانی کوپه‌یگن دیر.
اسلام امیرلیگی نینگ قیته قدرت گه ایریشگنیدن کیین، افغانستان ده خبرچیلر معلومات گه قول تاپیش خصوصیده قیین‌چیلیک بیلن روپه‌ره بولگنلر و برچه پیت‌لرده نیازلری بولگن معلومات‌لر نی دولتی اداره‌لردن قولگه کیلتیره آلمه‌یدیلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
