کابل‌ده عربستان ایلچیسی ایکّی تامانلمه مناسبت‌لر مستحکم‌لنیشی گه تأکید اېتدی

ایچکی ایشلر وزیرلیگی، کابل‌ده سعودی عربستان ایلچیسی فیصل طلق البقمی، اوشبو وزیرلیک سرپرستی سراج‌الدین حقانی بیلن اوچره‌شووده، افغانستان و سعودی عربستان اورته‌سیده‌گی همکارلیک، «اسلامی و فرهنگی قۉشمه قدریت‌لر» اساسیده دوام تاپیشی گه تأکید اېتگن.

ایران بیلن افغانستان‌نینگ سیاسی، اقتصادی مناسبتی کېنگه‌یتیریله‌دی

سرپرست حکومت تشقی ایشلر وزیرلیگی، ۲۳-جدی، یک‌شنبه کونی شام پیتی بیر بیانیه ترقه‌تیب، کابل‌ده ایران ینگی ایلچیسی علی‌رضا بیکدلی‌نینگ مملکت تشقی ایشلر وزیرلیگی‌‌نینگ سیاسی معینی شیرمحمد عباس استانکزی بیلن اوچره‌شگنیدن خبر بیرگن.

چین ایلچیسی: بیر ییل‌ده افغانستان‌لیک‌لر گه اېنگ کوپ ویزه بیردیک

ارگ، ایکس صحیفه‌سیده بیر بیانیه ترقه‌تیب اسلام امیرلیگی باش وزیری‌نینگ اداری اورین باسری عبدالسلام حنفی کابل‌ده چین ایلچیسی جاو شینگ و بیرگه هیئتی بیلن اوچره‌شگنیدن خبر بیرگن. بو اوچره‌شوو ۱۶-جدی، یک‌شنبه کوتی بولیب اوتگن.

اۉزبېکستان ایلچیسی اعتبارنامه‌سینی متقی گه تاپشیردی

تشقی ایشلر وزیرلیگی سۉزلاوچیسی‌نینگ اورین باسری ضیااحمد تکل، بوگون (۳۰-عقرب، چهارشنبه) ایکس صحیفه‌سیده بیر بیانیه ترقه‌تیب، اۉزبېکستان‌نینگ افغانستان اوچون ینگی تانیشتیرگن ایلچیسی آیبیک عثمانوف، اعتبارنامه‌سینی اسلام امیرلیگی تشقی ایشلر وزیرلیگی سرپرستی امیرخان متقی گه تاپشیرگنیدن خبر بیرگن.

اۉزبېکستان نینگ افغانستانده‌گی ایلچیسی تعیینلندی

«آیبیک عثمانوف» اۉزبېکستان نینگ افغانستانده‌گی ایلچیسی صفتیده اېتیب تعیینلگن. اۉزبېکستان «کون اوز» یېتکرمه‌‌سی، بوگون (۷-عقرب، دوشنبه) ترقه‌تگن گزارشیده، آیبیک عثمانوف اۉزبېکستان نینگ افغانستانده‌گی ایلچیسی صفتیده اېتیب تعیینلنگنیدن خبر بیرگن.

روسیه متقی نی فرمت مسکو کېله‌سی ییغیلیشی ده اشتراک اېتیش گه تکلیف قیلدی

تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۲۸-سنبله، چهارشنبه کونی ایکس صحیفه‌سیده بیر بیانیه ترقه‌تیب یازیشیچه، ژیرنوف بو موضوع نی اوشبو وزیرلیک سرپرستی امیرخان متقی بیلن اوچره‌شووده بیان قیلیب، روسیه اسلام امیرلیگی وکیلینی مذکور مملکت میزبان‌لیگی بیلن بولیب اوته‌دیگن منطقه و خلق‌ارا ییغیلیش‌لرده اشتراک اېتیش گه تکلیف قیلیشینی اېتگن.

اۉزبېکستان یقینده اسلام امیرلیگی ایلچیسینی قبول قیله‌دی

اۉزبېکستان باش وزیری عبدالله عارف‌اوف، مملکتی یقینده تاشکینت ده اسلام امیرلیگی ایلچیسینی قبول قیلیشینی اېتگن. ارگ، ۲۷-اسد، شنبه کونی ایکس صحیفه‌سیده بیر بیانیه ترقه‌تیب، عارف‌اوف بو موضوع نی اسلام امیرلیگی باش وزیری نینگ سیاسی اورین باسری محمد عبدالکبیر بیلن اوچره‌شووده بیان قیلگنینی یازگن.

اسلام امیرلیگی نینگ شارژدافیری تورکمنستان تامانیدن قبول قیلیندی

اسلام امیرلیگی تورکمنستانده افغانستان ایلچی‌خانه‌سی اوچون شارژدافیر اوله‌راق فضل‌محمد صابر نی تانیشتیرگن. اسلام امیرلیگی تشقی ایشلر وزیرلیگی نینگ سۉزلاوچیسی عبدالقهار بلخی ۵-اسد، جمعه ایکس صحیفه‌سیده، فضل‌محمد صابر، تورکمنستانده افغانستان ایلچی‌خانه‌سی اوچون شارژدافیر اوله‌راق تانیشتیریلگنینی یازگن.

اسلام امیرلیگی نیکاراگوا تامانیدن افغانستان اوچون ینگی ایلچی تعیینلنیشینی خوش قرشی له‌دی

نیکاراگوا جمهوریتی تامانیدن افغانستان اوچون ینگی ایلچی تعیینلنیشی بیلن بیرگه، اسلام امیرلیگی تشقی ایشلر وزیرلیگی بیر بیانیه ترقه‌تیب، ایکّی مملکت اۉرته‌سیده دیپلماتیک مناسبت‌لر مستحکم‌لنیشی اوچون بو آدیم نی مثبت بهاله‌گن. نیکاراگوا جمهوریتی باشلیغی نینگ اۉرین باسری روزاریو موریو، ۲-سرطان، شنبه کونی چین ده اوشبو مملکت…

متقی و تورکیه ایلچیسی ایکّی تامانلمه مناسبت‌لر مستحکم‌لنیشی گه تاکید اېتدیلر

اسلام امیرلیگی تشقی ایشلر وزیرلیگی سرپرستی امیرخان متقی کابل ده تورکیه ایلچیسی جنک اونال بیلن اوچره‌شیب کابل و انقره اۉرته‌سیده‌ مناسبت‌لر مستحکم‌لنیشی و همکارلیگی کېنگه‌یشینی محاکمه قیلگن.

حنفی: ا.ا هېچ کیمگه افغانستان‌دن باشقه مملکت‌لر خوفسیزلیگی گه قرشی فایده‌لنیش گه رخصت بیرمه‌یدی

اسلام امیرلیگی باش وزیری نینگ اداری اۉرین باسری عبدالسلام حنفی، افغانستان بویلب خوفسیزلیک تأمین اېتیلیشی، بنگی‌وار ماده‌لر و اداری فساد گه چېک قوییش اسلام امیرلیگی نینگ یوتوق‌لریدن بولیب و بو حکومت هېچ کیم یا گروه گه افغانستان توپراغیدن باشقه مملکت‌لر خوفسیزلیگی گه قرشی فایده‌لنیش گه رخصت بیرمسلیگینی اېتگن.

محمد عبدالکبیر: اسلام امیرلیگی شانگهای کېله‌سی ییغیلیشی‌ده چقیریلیشی کېره‌ک

سرپرست حکومت باش وزیری نینگ سیاسی اۉرین باسری محمد عبدالکبیر کابل ده چین ایلچیسی جاوشینگ بیلن اۉچره‌شووده، اسلام امیرلیگی شانگهای همکارلیک تشکیلاتی نینگ کېله‌سی ییغیلیشی‌ده ناظر اعضا صفتیده چقیریلیشینی سۉره‌گن.

چین ده افغانستان ایلچیسی نینگ قبول‌لنیشی؛ مجاهد: ا.ا نی رسمیت گه تانیش خصوصیده اونملی آدیم دیر

چین پایتختی بیجینگ ده افغانستان ایلچیسی صفتیده اسلام امیرلیگی سرپرست حکومتی سوزلاوچیسی نینگ سابق اورین‌باسری بلال کریمی نی قبول‌لنیشی بیلن بیرگه، اسلام امیرلیگی سوزلاوچیسی ذبیح‌الله مجاهد نینگ ایتیشیچه، اوشبو نماینده‌لیک نینگ تعیین‌لنیشی و چین بیلن تعامل، اسلام امیر‌لیگی نی رسمیت گه تانیش خصوصیده اونملی آدیم دیر.