کانلر و پترولیم وزیرلیگی رسمیلری، شنبه کونی، ۱۷ سرطان، سرپل ده آمو دریا حوزهسی قشقری «گاز کانی» قودوقلریدن تیل قازیب چیقریش جریانی باشلنگنیدن خبر بیرگنلر.
مملکت کانلر و پترولیم وزیرلیگی سرپرستی شهابالدین دلاور، سرپل گه قیلگن سفری دایرهسیده قشقری کانی دن تیل قازیب چیقریش ایشینی باشلهگن.
بیزلرنینگ فیسبوک صحیفهمیزگه باش اورینگ!
جناب دلاور، قشقری تیل کانینی مملکت نینگ اقتصادی مهم منبعلریدن عنوان قیلیب ایتیشیچه، اوشبو پروژه ده اولا سرپل و کیین ایسه باشقه ولایتلردن تخنیکی و غیر تخنیکی ایشلاوچی قبول قیلینهدی.
کانلر و پترولیم وزیرلیگی سرپرستی نینگ ایتیشیچه، قشقری کانی درآمدی دن بیر بولیمی اوشبو ولایت نینگ ترقیاتی ساحهلریده صرفلنهدی.
شهابالدین دلاور نینگ کوپهیتیریشیچه، مذکور کان دن هر کونی تیل قازیب چیقریش میزانی یوز تُن گه ییتهدی و بوتوغریده سعیوحرکت قیلماقدهلر.
بیزلرنینگ توییترده هم تعقیب قیلینگ!
سرپل یشاوچیلریدن بیرقطاری، قشقری تیل کانی قازیب چیقریش جریانی باشلنگنیدن خورسندلیک قیلیب ایتیشلریچه، ایش فرصتلری یرهتیلیشی اوچون بو کبی پروژهلر آچیلیشی مهم دیر و آست قورمه پروژهلر تطبیق ایتیلیشی خصوصیده سعیوحرکت قیلینیشی کیرهک.
سرپل یشاوچیلری گه کوره، اقتصادی قیینچیلیک و ایشسیزلیک باعث هر کونی اونلب ییگیت مملکت نی ترک ایتماقده ایکن، بو کبی پروژهلر باشلهنیشی ناقانونی مهاجرتلر اونگینی آلیشی ممکن.
