اسلامی امارت سوزلاوچیسی ذبیح‌الله مجاهد نینگ ایتیشیچه، تاجکستان نینگ افغانستان ترورچی گروه‌لر مکانی اوزگریش خواطری «اساس‌سیز» دیر.
دولت باختر آژانسی ذبیح‌الله مجاهد قولیدن نقل قیلیب یازیشیچه، تاجیکستان رسمی‌لری افغانستان وضعیتیدن خواطر بیلدیریب و بو مملکت عصیانچی گروه‌لر نینگ تینچ مکانی گه اوزگریشنی ادعا قیلماقده‌لر، اسلامی امارت سوزلاوچیسی بو ادعالرنی رد قیلگن.
عین‌حالده، تاجیکستان تشقی ایشلر وزیری سراج‌الدین مهرالدین، یک‌شنبه_۳میزان، بیرلشگن ملت‌لر تشکیلاتی نینگ ۷۷_عمومی ییغینیده‌گی بیاناتیده، افغانستان وضعیتی اسلامی امارت کنترولیدن چیققن و بو مملکت عصیانچی گروه‌لر مکانی گه اوزگره‌یاتگنینی بیلدیردی.
بیزلرنینگ فیسبوک صحیفه‌میزگه باش اورینگ!
افغانستان سرپرست حکومتی نینگ سوزلاوچیسی، جناب مهرالدین نینگ بیاناتی گه مناسبت بیلدیریب ایتیشیچه، افغانستان دن هیچ بیر مملکت گه هجوم بولمه‌گن.
مجاهد نینگ ایتیشیچه: «افغانستان عصیانچی گروه‌لر مکانیگه اوزگریب و باشقه مملکت‌لر گه تهدید بولیش سوزلرنی رد قیله‌میز. بیزنی ایشانچیمیز کامل دیر. تاجیکستان نینگ بو خواطری «اساس‌سیز» دیر. اولر بوتوغریده‌گی خواطرینی یقیندن بیز بیلن شریک قیلیش‌لری کیره‌ک.»
باشقه تاماندن پاکستان باش وزیری شهباز شریف، جمعه کون_۱ میزان، بیرلشگن ملت‌لر تشکیلاتی نینگ ۷۷_عمومی ییغینیده‌گی نطقیده، افغانستان ده عصیانچی گروه‌لر حضوریدن خواطر بیلدیریب ایتیشیچه، افغانستان اسلامی امارت حاکمیتیدن کیین ترورچی گروه‌لر مکانی گه اوزگرگن.
بیزلرنینگ توییترده هم تعقیب قیلینگ!
شهباز شریف نینگ کوپه‌یتیریشیچه، القاعده، داعش، پاکستان‌لیک طالبلر تحریکی، شرقی تورکستان اسلامی جنبش و اوزبیکستان اسلامی جنبش گروه‌لری افغانستان ده فعالیت قیلماقده‌لر. اونینگ ایشانچی گه کوره، افغانستان ده مذکور گروه‌لر نینگ حضوری پاکستان و منطقه امنیتینی تهدید قیله‌دی.
افغانستان بویلب اسلامی امارت ایکینچی مراتبه قدرت نی آلیشیدن کیین، دنیا جماعه‌چیلیگی افغانستان ده عصیانچی گروه‌لر نینگ فعالیتی کوچه‌یشیدن خواطر ده دیر.
