اسلام امیرلیگی تشقی ایشلر وزیرلیگی سرپرستی امیرخان متقی کابل ده تورکیه ایلچیسی جنک اونال بیلن اوچره‌شیب کابل و انقره اۉرته‌سیده مناسبت‌لر مستحکم‌لنیشی و همکارلیگی کېنگه‌یشینی محاکمه قیلگن.
سرپرست حکومت تشقی ایشلر وزیرلیگی نینگ بیانیه‌سی اساسیده، اوشبو اوچره‌شووده تامان‌لر ایکّی تامانلمه مناسبت‌لرنی مستحکم‌لش، افغانستان و تورکیه اۉرته‌سیده اقتصادی و سوداگرلیک همکارلیک‌لرنی کېنگه‌یتیریش، ایکّی مملکت سوداگرلیک محصولاتی کورگزمه‌لری یولگه قوییلیشی و تجارت بولیمیده لاجورد یولیدن قوللنیش مسئله‌لری حقیده بحث اېتگنلر.
بیزلرنینگ فیسبوک صحیفه‌میزگه باش اورینگ!
سرپرست حکومت تشقی ایشلر وزیرلیگی نینگ بیانیه‌سیده تورکیه ایلچیسی دن نقل قیلینیب بونده‌ی یازیلگن: «ایکّی تامانلمه قۉشمه همکارلیک نی کېنگه‌یتریش کېره‌ک و بونگه علاوه یقینده تورکیه هوا یولی افغانستان گه اوچیش‌لرینی عملی شکلده قیته باشلش گه قرار قیلگن.»
عین‌حالده، سیاسی و خلقارا ایش بیلرمان‌لر تورکیه نینگ افغانستان بیلن سابقه‌لی همکارلیگی و مناسبتی گه اشاره قیلیب، سیاسی، اقتصادی و خوفسیزلیک ساحه‌لرده انقره و کابل مناسبتی مستحکم‌لنیشینی مملکت منفعتی گه بیله‌دیلر.
خلقارا مناسبت‌لر ایش بیلرمان‌لریدن عزیز معارج نینگ سلام‌وطندار گه ایتیشیچه: «تورکیه تاریخ بویلب افغانستان بیلن یخشی مناسبتی بولگن و افغانستان خلقی تورکیه دن یخشی خاطره‌لری بار، هېچ زمان افغانستان نینگ ایچکی ایشلری گه اره‌لشمه‌گن، تورکیه نینگ باشقه مملکت‌لر بیلن مناسبتی یخشی دیر.»
بیزلرنینگ «ایکس» ترماغی ده هم تعقیب قیلینگ!
شونینگدیک، ایش بیلرمان‌لردن باشقه بیرقطاری، افغانستان نی حاضرگی قلتیس احوال دن قوتقرریش اوچون تورکیه نینگ دنیا اینیقسه غرب و شرق بیلن دیپلماسی اۉرنیدن فایده‌لنیش کېره‌ک دیه ایشانه‌دیلر.
سیاسی ایش بیلرمان عبدالجبار اکبری گه کوره: «تورکیه نینگ باشقه مملکت‌لر بیلن علاقه‌سی یخشی، مثال اوچون شرق و غرب بیلن مناسیتی یخشی دیر، شونی اوچون تورکیه افغانستان اوچون واسطه‌چیلیک قیلیب و بو مملکت نی دنیا همجمعیت گه یقینلشتیریشی ممکن.»
ایتیش کېره‌ک، تورکیه سۉنگی ییل‌لرده افغانستان ده ترقیاتی لایحه‌لرنی عملگه آشیریش بیلن مملکت اقتصادی ترقیاتی اوچون مهم رولی بولیب و حاضرگی کونده بو مملکت افغانستان ده معارف و اقتصاد ساحه‌لریده فعالیت‌لری گه دوام بیرماقده.
