معلومات و مدنیت وزیرلیگی مسئوللری گه کوره، اوشبو کمیته بوندن سۉنگ یېتکرمهلرده قوللنهدیگن سۉزلر و اصطلاحلرنی اصلاح قیلیش و معیاری قیلیش اوستیگه ایشلهیدی.
معلومات و مدنیت وزیرلیگی سۉزلاوچیسی خبیب غفران سلاموطندار بیلن اوتکزگن صحبتیده، بو سۉزلر و اصطلاحلردن ملی کیملیک و اسلام قدریتلری اساسیده ایش آلینیشینی معلوم قیلگن.
اونینگ کوپهیتیریشیچه: «یېتکرمهلرده ایش آلینهدیگن سۉزلر و اصطلاحلر انیقلنیشی اوچون بیر کمیته قوریلگن و بو کمیته سۉز و اصطلاحلر اوستیگه ایشلهیدی و بولر ملی کیملیک و اسلام قدریتلری اساسیده بولهدی و یېتکرمهلر اۉز فعالیتلریده بو سۉز و اصطلاحلردن قوللنیشلری کېرهک.»
بیزلرنینگ فیسبوک صحیفهمیزگه باش اورینگ!
افغانستان ژورنالیستلر اتحادیهسی مسئوللری، بو کمیته قوریلیشینی مثبت آدیم اتهب، بیلیم اکادمیهسی و تدقیقاتی نهادلر مملکت یېتکرمهلرینینگ تیلینی باییتیش اوچون سعی-حرکت قیلیشی کېرهک دیېدیلر.
افغانستان ژورنالیستلر اتحادیه باشلیغی حفیظالله بارکزی گه کوره: «بو کمیته قوریلیشینینگ مثبت پیامی بار و بو بیلیملر اکادمیهسی، کابل بیلیم یورتی ادبیات فاکولتهسی و شونینگدیک، باغلیق نهادلرنینگ وظیفهسی دیر ایران کبی قاموسیمیز بولیشی شرط و افغانستان فرهنگی سقلنیشی اوچون بو کبی ایشلر عملگه آشیریلیشی درکار.»
شونینگدیک، «راهفردا رادیو-تلویزیون» خبرچیسی علیاکبر احمدی، حکومتنینگ یېتکرمهلر ایشیگه ارهلشوویدن خواطر بیلدیریب، بو کمیته مملکتدهگی یېتکرمهلرنینگ فعالیتی گه ضد اقدام قیلمسلیگینی اېتهدی.
بیزلرنینگ «ایکس» ترماغی ده هم تعقیب قیلینگ!
اونگه کوره: «بو ایشنی حکومتنینگ یېتکرمهلر ایشیگه ارهلشووی دیب اویلهی من و یېتکرمهلر بو موردلرنی رعایت قیلهدی و یاو سۉزلردن قوللنمسلیک اوچون سعی-حرکت قیلهدیلر، دولت یېتکرمهلرنینگ فعالیتی گه ضد اقدام قیلمسلیگی گه امید بیلدیرهمن.»
بوندن آلدین، اسلام امیرلیگی معلومات و مدنیت وزیرلیگی مسئوللری یېتکرمهلردن یاو سۉزلر اورنیده ملی سۉزلر و اتمهلردن قوللنیشلرینی اېستهگن اېدی.
