کابل یشاوچیلریدن قطاری، کابل دریاسیده چیقیندی کوپهیگنیدن شکایت قیلیب و ایتیشلریچه، دریا سووی کمه‌یگنی و هوا نینگ ایسیق بولگنی بیلن، کابل دریاسیده ایس و چیقیندی کوپه‌یگن.
کابل شهری «شش‌درک» منطقه یشاوچیسی جاوید نینگ ایتیشیچه، هوا نینگ ایسیق بولیشی و دریا سووی کمه‌یشی، بو دریا نینگ کوپراق سسیشی گه سبب بولیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «دریا سووی قوریگنی و هوا نینگ ایسیق بولگنی‌ده، دریا نینگ ایسی کوپه‌یه‌دی و اهالی چیقیندیلر، پلاستیک و هر نرسه نی دریا گه تشله‌یدیلر و اهالی‌دن کابل شهری پاک‌لیگی‌گه سهم آلیشلری نی ایسته‌یمیز.»
کابل دریاسی یقینی‌ده‌گی دکاندارلردن صدیق‌الله نینگ ایتیشیچه، اوشبو دریا ده ییغیلگن چیقیندیلر ایسی اونی کسل قیلگن. «کابل دریاسی گه هیچ توجه بولمه‌گن و کابل دریاسی نینگ تازه‌لنیشی نی ایسته‌یمیز. محیط ناپاک بولگنی‌ده کسل بوله‌میز و باشقه یوز رقم قیین‌چیلیککه سبب بوله‌دی.»
کابل شهری اوچینچی مکروریان یشاوچیسی عبدالواسع، کابل بلدیه‌سیدن دریا نینگ تورلی قسمت‌لری گه کثافت‌دانی قوییلیشینی ایسته‌گن. اونینگ ایتیشیچه: «دولت‌دن هر منطقه‌ده دریالر یانیگه کثافت‌دانی قوییلیشی نی ایسته‌یمیز و شو رقم اهالی هم همکارلیک قیلسین.»
شونده‌ی بیرحالده، کابل بلدیه‌سی مسئوللری نینگ ایتیشلریچه، کابل دریاسی نینگ چیقیندی‌لردن سقلش اوچون نظارتی بیر تیم تشکیل ایتگنلر.
بیزلرنینگ «ایکس» ترماغی ده هم تعقیب قیلینگ!
کابل بلدیه‌سی سوزلاوچیسی نعمت‌الله بارکزی نینگ ایتیشیچه، کابل دریاسی نینگ تازه‌لنیشی اوچون باشقه اداره‌لر هماهنگ‌لیگی‌ده اقدام قیلگنلر.
جناب بارکزی نینگ کوپه‌یتیریشیچه: «نظارت قیله‌دیگن بیر تیمی‌میز بار که دکان‌دارلر چیقیندیلری نی تشلمه‌سینلر؛ لیکن تازه‌لنیش و شو رقم مکمل شکلده پاک قیلیش توغریسیده کیله‌جک‌ده باشقه اداره‌لر هماهنگ‌لیگی‌ده اقدام قیلیشیمیز ممکن.»
ایتیش کیره‌ک که، بوندن آلدین کابل بلدیه‌سی بیر اعلامیه ترقه‌تیش بیلن کابل دریاسی گه چیقیندی تشلنیشی نی شهری تخلف دیب و بو دریا یقین‌لیگی‌ده بولگن قطار یشاوچیلردن، دریا گه چیقیندیلری نینگ تشلمسلیکلرینی ایسته‌گن. شونینگدیک کابل بلدیه‌سی متخلفلر بیلن قانونی یانده‌شیلیشی خصوصیده آگاه‌لنتیرگن.