کنر ولایتی چوکی (څوکی) تومنینینگ «فهوسیری» قیشلاغی یشاوچیلریدن قطارینینگ ایتیشلریچه، یوز بیرگن سونگی زلزله اوشبو ولایتده سوو منبعلرینی اورتهدن کیتگزگن.
«فهوسیری» قیشلاغی یشاوچیلریدن فدامحمد، زلزله یوز بیرمسدن آلدین بو قیشلاقده اوچته قودوق بارلیگی و حاضر ایسه اولردن بیرتهسینینگ قالگنینی بیان قیلهدی. اونینگ کوپهیتیریشیچه: «زلزله نتیجهسیده قودوقلر اورتهدن کیتگن؛ بالهلر پاک بولمهگن سوولردن فایدهلنیش طفیلی، کسل بولگن.»
بیزلرنینگ «ایکس» ترماغی ده هم تعقیب قیلینگ!
فهوسیری قیشلاغی یشاوچیلریدن بهادرنینگ ایتیشیچه، مذکور قیشلاق یشاوچیلری پاک بولمهگن سوودن فایدهلنیش سبب، ساغلیق قیینچیلیکلرگه چلینگنلر. «قودوق سوویدن فایدهلنهر ایدیک؛ لیکن اوشبو قودوق زلزله طفیلی اورتهدن کیتدی و حاضر قیینچیلیک بیلن روپهرهمیز.»
خلقارا آزیق-آوقت دستوری کمپیگه یاردم آلیش اوچون بارگن حمیدالله هم بو قیشلاقده حیات کیچیریشنینگ قیین وضعیتینی بیان قیلیب و ایتیشیچه: «حکومت و نهادلردن زلزله نتیجهسیده جبرلنگنلر قیینچیلیگی حلی بولیمی اینیقسه اوی قوریلیشی و سوو تامینلنیشیده همکارلیک قیلیشلرینی ایستهیمیز.»
بونگه علاوه، فهوسیری یشاوچیلری مذکور قیشلاق یشاوچیلریگه انسانسیورلیک یاردملر کورسهتیلیش جریانینینگ تیز شکلده بولمهگنیدن شکایت قیلهدیلر.
بو بیلن بیرگه، کنر قیشلاقلرنی رواجلنتیریش و قیته قوریش ریاستیده مسئوللرنینگ اورغولشیچه، سونگی زلزله اوشبو ولایت تومنلریدن قطارینینگ سوو منبعلرینی اورتهدن کیتگزگن.
بیزلرنینگ فیسبوک صحیفهمیزگه باش اورینگ!
کنر قیشلاقلرنی رواجلنتیریش و قیته قوریش ریاستینینگ مهندسلیک بولیمی مسئولی عبدالفتاح صدیقیگه کوره، اوشبو ولایتده جبرلنگنلرگه ایچیملیک سوو تامینلنیشی اوچون سعیوحرکتنینگ دوامی بار. «زلزله قیشلاقلردن قطاریدهگی سوو منبعلرینی اورتهدن کیتگزگن؛ ایچکی و تشقی منبعلر هماهنگلیگیده زلزلهدن جبرلنگنلرگه سوودن فایدهلنیش امکانیتی یرهتیلیشی توغریسیده سعیوحرکت قیلماقدهمیز.»
لیکن چوکی تومنی یشاوچیلرینینگ اورغولشیچه، قیشلاقلریده ایچیملیک سوو وضعیتی یامان بولیب و تیزلیک بیلن اقدام بولمهگنی صورتده، پاک بولمهگن سوو طفیلی کسللیکلر خوفی بالهلر و کیکسهلردن قطارینینگ حیاتینی تهدید قیلیشی ممکن.
