هر کونی ساغلام حیات طرزی حقیده اویلهیمیز؛ قندهی آوقتلنیش کېرهک، نیمهلردن واز کیچیش کېرهک، قیسی محصولاتلر تنهمیز اوچون ضرور؟ کوپینچه اونیتیلگن اما جوده مهم بیر نعمت بار – سوت. هه، بالهلیگیمیزده بیزگه ایچیش گه مجبور قیلینهدیگن اوشه عادی سوت بوگون هم تنهمیز اوچون عجایب فایدهلر منبعی بولیب قالماقده.
کېلینگ، اېندی سوتنی آوقت رژیمی گه نیمه اوچون البته قوشیش کېرهکلیگینی عادی و توشینرلی قیلیب کوریب چیقهمیز؛
۱. سویکلرینگیز مستحکم بولیشینی خواهلهی سیزمی؟
سوت کلسیم و D ویتامینیگه بای. بو ایککی ماده سویک و تیشلرنینگ ساغلام بولیشیده مهم رول اوینهیدی. اینیقسه، بالهلر، اوسمیرلر و یاشی اولغهیگنلر اوچون بو مادهلر تنقیصلیگی سویکلر سینیش خوفینی آشیرهدی. کونلیک بیر گیلاس سوت – طبیعی «سویک سوغورتهسی» دیسک مبالغه بولمهیدی.
بیزلرنینگ فیسبوک صحیفهمیزگه باش اورینگ!
۲. موشکلرینگیز اوچون طبیعی یاقیلغی
سوتده موجود بولگن آقسیل (پروتین) موشک (عضله)لرنی تیکلش و اوستیریش گه یاردم بیرهدی.
۳. استرسنی کمهیتیرهدی، اویقونی یخشیلهیدی
بیر گیلاس ایلیق سوت ایچیب یاتیش – بو فقطگینه بوویلریمیزنینگ مصلحتی اېمس. سوتدهگی تریپتوفان مادهسی میهنی تینچلنتیرهدی، اویقو صفتینی یخشیلهیدی و کون دوامیده توپلنگن استرسنی یومشتهدی.
بیزلرنینگ «ایکس» ترماغی ده هم تعقیب قیلینگ!
۴. ایمننی مستحکملهیدی
سوت A و B گروه ویتامینلر گه بای بولیب، اولر تنهمیزنینگ عفونتلریگه قرشی کورهشیش قابلیتینی آشیرهدی. قالهویرسه، سوت ترکیبیدهگی آنتی اکسیدلر تنهنی ایرکین رادیکاللردن تازهلشگه یاردم بیرهدی.
۵. یادینگیزنی مستحکملهیدی، دقتنی آشیرهدی
سوتدهگی B12 ویتامینی عصب تیزیمی فعالیتی اوچون مهم بولیب، خاطره و عمومی میه سلامتلیکنی قۉللب-قوتلهیدی. ایشده سیرگک (هوشیار)، درسده فعال بولیشنی خواهلهیسیزمی؟ اونده سوت – سیزنینگ صادق دوستینگیز!
سوتنی قندهی ایچیش کېرهک؟
– نانوشتهده ایلیق حالتده بیر گیلاس – انرژی منبعی.
– مشقدن کېین – موشک (عضله)لر تیکلنیشیگه یاردم.
– کیچقورون – یخشی اویقو و ساکن آنگ اوچون.
سوت فقط بالهلر ایچهدیگن ایچیملیک اېمس. او ساغلام و کوچلی تنهنینگ اساسی اوستونلریدن بیری. اگر سیز ساغلام، فعال، عقلی تینیق و کورینیشی چیرایلی بولیشنی اېستهسنگیز – آوقت رژیمینگیز گه بیر گیلاس سوت قوشینگ. بو عادی عادت سیزنی کتته فرق بیلن تأمینلهیدی.
