هندوستان پایتختی ینگی دهلینینگ اېنگ مهم سیاحتی جاذبهلری و تاریخی بناسی «قیزیل قلعه» یقینیده اویوشتیریلگن پارتلش عاقبتیده، چمهسی ۹ کیشی هلاک بولگن و ۱۹ کیشی یرهلنگن. بو پارتلش باشقه نیچه موترنینگ آلاو آلیشیگه سبب بولگن.
فرانسه آژانسی بوگون (۲۰-عقرب، سهشنبه) عینی گواهلر گه اساسلنیب ایتیشیچه، آلاو النگهسی اهالی و موترلرنی قمرهب آلیب حتا بعضی کیشیلر موترلری ایچیده آغیر کویگن.
هندوستان ایچکی ایشلر وزیری امیت شاه، امنیتی کوچلر برچه احتماللرنی تېکشیرماقده و پارتلش قندهی یوز بیرگنلیگی هلیگچه نامعلوملیگینی ایتگن.
شو بیلن بیرگه، هندوستان باش وزیری ندرندرا مودی واقعه طفیلی قربان بولگنلرنینگ عایله اعضالریگه همدردلیک بیلدیریب و یرهلنگنلر گه تیزلیک بیلن ساغهیب کیتیشلرینی آرزو قیلگن.
۱۷-عصرده قوریلگن قیزیل قلعه، هندوستان مستقللیک کونی مناسبتی بیلن باش وزیرلرنینگ ییللیک نطقلری اوتکزیلهدیگن جای بولیب و بو مملکتنینگ اېنگ تنیقلی رمزلریدن بیری دیر.
واقعه عاقبتیده اولیب و یرهلنگنلر سانی اۉزگریشی ممکن و امنیتی نهادلر تامانیدن تېکشیریلماقدهلیگی ایتیلگن.
