بامیان مرکزی حدودلریده جایلشگن «چپ دره» ساحهسیده، بوگون (۳-حوت، جمعه)، ۱۸۰ سپورتچینینگ حضوری بیلن «افغان پکس» چنغی بیللشوولرینینگ تورتینچی دوری اوتکزیلگن.
مذکور بیللشوولر بامیان سپورت و جسمانی تربیهلش آمریتی، بو ولایت چنغی فدراسیون نمایندهلیگی و الپاین اسکی سپورت سالونی آرقهلی، افغان بیسیم مخابراتی شرکتینینگ مالی حمایتی بیلن بولیب اوتگن.
بیزلرنینگ «ایکس» ترماغی ده هم تعقیب قیلینگ!
بامیان سپورت و جسمانی تربیهلش آمری حافظ شفیقالرحمان رحیمینینگ ایتیشیچه، اوشبو بیللشوولر ۱۱ ته چنغی سپورت سالونیدن ۱۸۰ سپورتچینینگ حضوری بیلن اوتکزیلگن.
جناب رحیمینینگ کوپهیتیریشیچه، مذکور ولایتده چنغی سپورتی توغریسیده یاشلر قیزیقیشی کوپهیب و بو اداره سپورتچیلرگه یخشیراق امکانیت یرهتیلیشی مقصد سعیوحرکت قیلماقده.
بیزلرنینگ فیسبوک صحیفهمیزگه باش اورینگ!
شوندهی بیرحالده، بامیان چنغی فدراسیون نمایندهسی ابراهیم ناظری، یقینده چنغی فیستیوالی اوتکزیلیشی و ملی تیرمه جماعهسیگه یخشی سپورتچیلرنینگ تنلنیشیدن خبر بیرگن.
ایتیش کیرهک که، بامیان قار و یوقاری تاغلرگه ایگه بولگنی سبب، افغانستان ده چنغی بیللشوولری اوتکزیلیشی و تمرین اوچون یخشی ولایتلردن حسابلنهدی.
