غزنی قیشلاقلرنی رواجلنتیریش و قیته قوریش باشلیغی محمدقاسم امینی، سونگی بیر ییل ایچیده اوشبو ولایتده، تورلیخیل آستقورمه و ایکینچیلیک ساحهلریده بیر قطار لایحهنینگ عملگه آشیریلگنی بیان قیلگن.
جناب امینینینگ ایتیشیچه، مذکور ۱۱۱ لایحه غزنی ولایتی ناوه تومنی قیشلاقریده، قریب ۱۳۱ میلیون افغانی عوضیگه عملگه آشیریلگن.
بو لایحهلر ایشی قیشلاقلرنی رواجلنتیریش و قیته قوریش وزیرلیگی آرقهلی، دنیا بانکی مالی همکارلیگی بیلن یکونلهنیب و پنجشنبه کونی فایدهلنیشگه تاپشیریلگن.
اونگه کوره، اوشبو لایحهلر ۶۸ کیلومتر سرکنینگ قیته قوریلیشی، بیرمینگ ۵۰۰ سو کانالینینگ قوریلیب و قیته قوریلیشی، دیوار قوریلیشی و باشقه بیر قطار لایحهلردن عبارت دیر.
غزنی قیشلاقلرنی رواجلنتیریش و قیته قوریش باشلیغی، بو لایحهلرنینگ عملگه آشیریلشی بیلن یوزلب کیشی ایش بیلن شغللنگنی و مذکور تومن یشاوچیلریگه تورلیخیل بولیملرده کوپینچه آسایشتهلیک یرهتیلگنینی ایتگن.
