مکسیکو ساغلیقنی سقلش وزیرلیگینینگ اعلام قیلیشیچه، اوشبو مملکت پایتختیده گاز تانکری پارتلهگنی نتیجهسیده، ۲۵ کیشی اولگن.
۵۰ مینگ لیتر گازی بولگن اوشبو تانکر، بیر دیوار بیلن توقنشیب و چپه بولگنیدن کیین پارتلهگن. شونینگدیک پارتلشنینگ کوچلی بولگنی سبب، قریب ۳۰ موتر هم آلاو آلگن.
بیزلرنینگ «ایکس» ترماغی ده هم تعقیب قیلینگ!
مکسیکو ساغلیقنی سقلش وزیرلیگینینگ تصدیق قیلیشیچه، اولگنلر یانیده باشقه ۲۱ کیشی کسلخانه گه بستر بولیب و ۳۸ کیشی دوالنگن.
مذکور واقعه، مکسیکو یشاوچیلری اورتهسیده غضب گه سبب بولیب و یوللر خوفسیزلیگی، خوفلی یوکلرنی تاشیش ترتیبی همده اوشبو ساحهده ینهده جدیراق نظارت بولینیشی ضرورلیگی توغریسیده ینگی بحثلرنی کیلتیرگن. یشاوچیلر و اجتماعی فعاللردن قطاری مسئول رسمیلردن، بو کبی واقعهلر تکرارلنیشینینگ آلدی آلینیشی اوچون ترانسپورت قانونلری و آستقورمهلرده جدی اصلاحات عملگه آشیرلیشی سورهلگن.
بیزلرنینگ فیسبوک صحیفهمیزگه باش اورینگ!
محلی رسمیلر، اوشبو واقعه سببینی «هیداوچینینگ تیز هیدهشی و مهارتسیزلیگی» دیب، بیراق بو حادثه تفصیلاتینی انیقلشتیریش اوچون ینهده جدی شکلده تیکشیروولرنینگ دوام قیله یاتگنیگه تاکید قیلگن.
